មានការបង្កររោគតែឥតមានអាការៈ Asymptomatic Bacteriuria តើនរណាខ្លៈត្រូវទទួលការព្យាបាល?

• Facebook
• Instagram
• ប្លក, រូបភាព
• Telegram
• WhatsApp
• LinkedIn
• សំបុត្រ

បញ្ហាមានការបង្កររោគតែមិនមានអាការៈ Asymptomatic Bacteriuria ភាវៈទាំងនេះជាភាវៈសាមញ្ញមួយដែលច្រើនកើតឡើងលើស្រ្តីមានផ្ទៃពោះ និងហាក់ធ្វើអោយវេជ្ជបណ្ឌិតផ្នែករោគស្រ្តីមានភាពស្មុគស្មាញខ្លះៗដែរ។ តែនៅពេលដែលបញ្ហានេះបានរកឃើញហេតុបង្ករហើយ ភាគច្រើនអ្នកជម្ងឺនឹងត្រូវបញ្ជូនអោយមកទទួលការព្យាបាលជាមួយនឹងផ្នែកជម្ងឺប្រព័ន្ធទឹកនោមវិញ។ យ៉ាងណាក៏ដោយភាវៈនេះមិនមែនកើតតែទៅលើស្ត្រីដែលមានផ្ទៃពោះតែប៉ុណ្ណោះនោះទេ យើនឹងធ្វើការស្វែងយល់បន្ថែមពីភាវៈនេះអោយបានគ្រប់ជ្រុងជ្រោយ។

មុននឹងស្វែងយល់លំអិតពីភាវៈនេះ Asymtomatic Bacteriuria យើងត្រូវយល់ពីនិយមន័យនៃពាក្យថា Asymtomatic Bacteriuria ជាមុនសិន។ ពាក្យថា Asymtomatic Bacteriuria វាជាកន្សោមពាក្យរវាងពាក្យ Asymtomatic និង Bacteriuria។

• Asymtomatic មានន័យថា គ្មានអាការៈសញ្ញាភាពខុសប្រក្រតីនៃប្រព័ន្ធបង្ហួរនោម លើកឧទាហរណ៍ដូចជា៖ មិនមានការឈឺឬក្រហាយពេលនោម,មិនមាននោមញឹក នឹងមិនមានឈឺអួលលើថ្ងាស់នៃប្រដាប់ភេទ។
• Bacteriuria មានន័យថា ទទួលបានផលវិជ្ជមានថាមានការបង្កររោគនៅពេលដែលយកទឹកនោមទៅពិនិត្យនឹងបណ្តុះពិនិត្យរកមេរោគ។

ជាសេចក្តីសន្និដ្ឋានពាក្យថា Asymtomatic Bacteriuria មានន័យថាជាភាវៈមួយដែលមានការបង្កររោគឬរលាកនៅក្នុងការពិនិត្យទឹកនោម តែអ្នកជម្ងឺឥតមានអាការៈសញ្ញាឬធ្វើទុក្ខអ្វីឡើយ។

ភាវៈមួយនេះអាចកើតឡើងលើបុរសនិងស្រ្តី តែគេឃើញភាគច្រើនហាក់កើតលើស្រ្តី។ នៅពេលដែលភាវៈនេះត្រូវបានវិនិច្ឆ័យលើអ្នកជម្ងឺណាម្នាក់ហើយនោះ អ្នកជម្ងឺនឹងត្រូវណែនាំអោយធ្វើតេស្តផ្នែករូបភាពវេជ្ជសាស្រ្តមួយចំនួនដើម្បីបញ្ជាក់ថាភាវៈមួយនេះមិនមានការរួមផ្សំនៃបំរែបំរួលភាពខុសប្រក្រតីផ្សេងទៀតណាមួយនៅក្នុងប្រព័ន្ធបង្ហួរនោមជាយថាហេតុ។

ងាកមកមើលវិធាននៃការព្យាបាលនៃភាវៈនេះហាក់ដូចជាមានភាពស្មុគស្មាញសម្រាប់វេជ្ជបណ្ឌិតដែលគាត់ត្រូវគិតគ្នេរថា គួរតម្រូវអោយមានការព្យាបាលឬមួយពុំចាំបាច់ព្យាបាលលើភាវៈមួយនេះ? ព្រោះដោយយោងលើហេតុផលថា អ្នកជម្ងឺដែលមានភាវៈនេះហាក់ដូចជាមិនបានទទួលប្រយោជន័ពីការប្រើថ្នាំផ្សះ (Antibiotic) ឡើយ។ លើសពីនេះទៅទៀតបើយើងហ៊ានជំនះប្រើថ្នាំផ្សះនោះអ្នកជម្ងឺនឹងទទួលសភាវៈម្យ៉ាងដែលយើងហៅថា សភាវៈសាំនឹងថ្នាំផ្សះ ឬ Drug-Resistant Bacteria

តែយ៉ាងណាក្តីក៏យើងនៅតម្រូវអោយអ្នកជម្ងឺទទួលការព្យាបាលលើភាវៈនេះ ដោយយើងបែងចែកជាពីរចំនែកជាក់លាក់ដូចតទៅ៖

2 ជាក់លាក់ រោគសញ្ញា bacteriuria លក្ខខណ្ឌដែលត្រូវការព្យាបាល។

1. ស្រ្តីមានផ្ទៃពោះ
   • មានរបាយការណ៍បានបញ្ជាក់ថាភាវៈមួយនេះអាចបង្ករអោយស្រ្តីមានផ្ទៃពោះប្រឈមនឹងការសម្រាលមុនកំណត់, ប្រឈមនឹងការបង្កររោគលើតម្រងនោម។
2. អ្នកជម្ងឺដែលមានគម្រោងធ្វើកម្មវិធីវេជ្ជសាស្រ្តណាមួយទាក់ទិននឹងប្រព័ន្ធបង្ហួរនោម
   • ការធ្វើកម្មវិធីវេជ្ជសាស្រ្តណាមួយលើប្រព័ន្ធបង្ហួរនោមដោយផ្ទាល់វាអាចនឹងបង្ករអោយមានការចេញឈាមលើជាលិកាតូចៗនៃប្រព័ន្ធនេះ ជាលទ្ធផលវានឹងអាចបង្ករអោយមានការឆ្លងរោគក្រោយការធ្វើកម្មវិធីវេជ្ជសាស្រ្តនេះបាន។

ក្នុងករណីអ្នកជម្ងឺដែលពិចារណាហើយថាមិនតម្រូវអោយមានការព្យាបាលទេនោះ យើងនឹងតម្រូវអោយអ្នកជម្ងឺអនុវត្តវិធានដូចខាងក្រោមនេះ៖

• តាមដានការពិនិត្យទឹកនោមអោយបានទៀងទាត់តាមការកំនត់របស់វេជ្ជបណ្ឌិតជំនាញ។
• ប្រសិនបើលទ្ធផលការពិនិត្យទឹកនោមបង្ហាញថា មានការរលាក ជំហានបន្ទាប់យើងនឹងតម្រូវអោយអ្នកជម្ងឺយកទឹកនោមដើម្បីទៅបណ្តុះពិនិត្យរកមេរោគ។

ភាវៈ Asymptomatic Bacteriuria ជាភាវៈស្មុគស្មាញមួយដែលតម្រូវអោយគ្រូពេទ្យនិងអ្នកជម្ងឺរួមសហការណ៍នឹងយល់ពីភាវៈនេះក្នុងការព្យាបាល ការទាំងនេះធ្វើឡើងគឺដើម្បីអោយអ្នកជម្ងឺទទួលបានលទ្ធផលប្រសើរក្រោយការព្យាបាល។ ប្រសិនបើលោកអ្នកមានចម្ងល់ឬសំនួរបន្ថែម សូមលោកអ្នកជជែកជាមួយវេជ្ជបណ្ឌិតជំនាញរបស់លោកអ្នក ម្យ៉ាងវិញទៀតលោកអ្នកក៏នៅតែអាចផ្ញើសំនួរទាំងឡាយមកកាន់បានដូចគ្នា។

អ្នកអាចចូលមើលគេហទំព័រផ្លូវការរបស់ខ្ញុំ នៅទីនេះ.