តើអាត្រាជោគជ័យសម្រាប់ការមានផ្ទៃពោះក្នុងមួយខែមានប៉ុន្មានដង?

• Facebook
• Instagram
• ប្លក, រូបភាព
• Telegram
• WhatsApp
• LinkedIn
• សំបុត្រ

ការរៀបចំផែនការក្នុងគ្រួសារសម្រាប់បុរសគ្រប់រូបគឺជាតួនាទីមួយផ្សេងទៀតក្នុងគ្លីនិកជម្ងឺប្រព័ន្ធទឹកនោមរបស់ខ្ញុំ។ ដោយសារមានបុរសជាច្រើនបានចោទជាសំនួរទាក់ទងនឹង “តើធ្វើដូចម្តេចដើម្បីអោយភរិយារបស់គាត់សម្រេចបាននឹងការមានផ្ទៃពោះ?” ក្នុងប្រធាននេះយើងនឹងជជែកគ្នាលំអិតពាក់ព័ន្ធទៅនឹងអាត្រាជោគជ័យក្នុងការមានផ្ទៃពោះនៃមួយវដ្ដរដូវរបស់ស្ត្រី។

ជាដំបូងយើងត្រូវធ្វើការយល់ជាមុននូវនិយមន័យវដ្ដរដូវរបស់ស្ត្រី។ ជាសាកលនៅមិនទាន់មានការទទួលស្គាល់និយមន័យនៃវដ្ដរដូវស្ត្រីនោះទេ! ប៉ុន្តែនៅក្នុងប្រធានបទនេះ អាត្រាការមានផ្ទៃពោះគឺសំដៅលើលទ្ធភាពដែលទទួលបានលទ្ធផលវិជ្ជមានថាពិតជាមានការបង្ករកំនើតនៅពេលធ្វើតេស្តរៀងរាល់មួយវដ្ដរដូវនៃការបង្ករកំនើត។ សូមកុំយល់ច្រឡំរវាងអាត្រារស់រានមានជីវិតរបស់ទារកនៅក្នុងផ្ទៃនៅពេលដែលត្រូវសម្រាលជាមួយនឹងអាត្រាជោគជ័យនៃការមានផ្ទៃពោះរបស់ស្ត្រី។

មានការសិក្សាចំនួនពីរដែលគេបានសិក្សានៅប្រទេសអង់គ្លេសនិងសហរដ្ឋអាមេរិក។ គេបានប្រមូលទិន្នន័យពីគូស្វាមីភរិយាចំនួនមួយគូដែលមានសមត្ថភាពក្នុងការបង្ករកំនើតហើយយ៉ាងហោចណាស់ពួកគេត្រូវមានកូនម្នាក់ដើម្បីយកមកសិក្សា។ ត្រង់នេះចង់មានន័យថាពួកគាត់មានសមត្ថភាពក្នុងការបង្ករកំនើតហើយពួកគាត់កំពុងមានគម្រោងនឹងយកកូនថែមម្នាក់ទៀត ដោយពួកគាត់បានអនុវត្តការរួមភេទតាមទម្លាប់ធម្មតារបស់ពួកគាត់ដើម្បីយកកូន។ ទិន្នន័យទាំងអស់ត្រូវបានចេញជាលទ្ធផលគួរអោយចាប់អារម្មណ៍តាមការរៀបរាប់ដូចខាងក្រោមនេះ៖

1. > 40%នៃលទ្ធភាពមានផ្ទៃពោះដែលលោកអ្នកអាចទទួលបាន ប្រសិនបើលោកអ្នកមានការរួមភេទតាមទម្លាប់ធម្មតាមួយថ្ងៃមុននៃការធ្លាកពងរបស់ស្ត្រី - ជាពេលវេលាដ៏ល្អ។
2. > 30%នៃលទ្ធភាពមានផ្ទៃពោះដែលោកអ្នកអាចទទួលបាន ប្រសិនបើលោកអ្នកមានការរួមភេទតាមទម្លាប់ធម្មតាពីរថ្ងៃមុននៃការធ្លាកពងរបស់ស្ត្រី - ជាពេលវេលាដ៏ល្អ។
3. លទ្ធភាពនៃការមានផ្ទៃពោះនឹងត្រូវធ្លាក់ចុះក្នុងថ្ងៃដែលពងរបស់ស្ត្រីកំពុងតែធ្លាក់ចុះមក។
4. ភាគរយស្ទើរតែស្មើសូន្យនៃការមានផ្ទៃពោះ ពេលដែលមានការរួមភេទមួយថ្ងៃបន្ទាប់មានការធ្លាក់ពងរបស់ស្ត្រីរួច
5. គ្មានការអធិប្បាយទាក់ទងទៅនឹងឥរិយបទនៃការរួមភេទដែលធ្វើអោយមានលទ្ធភាពនៃការបង្ករកំនើតឡើយ។

មានកត្តាមួយចំនួនដែលអាចជួយបង្កើនអាត្រាការមានផ្ទៃពោះបាន៖

• លើកចង្កេះស្ត្រីឡើងប្រហែល 10សង់ទីម៉ែត្របន្ទាប់ពីបុរសចេញទឹកកាមដើម្បីអោយកម្លាំងទំនាញទាញយកមេជីវិតឈ្មោលចូលទៅកាន់មាត់ស្បូនអោយបានលឿន។
• កុំងូតទឹកក្តៅមុនមានការរួមភេទ ព្រោះកំដៅទឹកអាចសម្លាប់មេជីវិតឈ្មោលបានងាយ។
• កុំទាន់អាលបាញ់លាងសំអាតទ្វារមាសមុនឬក្រោយការរួមភេទ ព្រោះការធ្វើរបៀបនេះវាអាចរំខានដល់សារធាតុអាស៊ីតនិងសំណើមនៅក្នុងទ្វារមាសនិងមាត់ស្បូតស្ត្រីដែលសារធាតុទាំងនេះវាបានជួយអោយមានលទ្ធភាពនៃការបង្ករកំនើតរបស់ស្ត្រី។
• សូមកុំប្រើប្រេងរំអិលណាមួយដែលធ្វើអោយមេជីវិតបុរសងាយរងគ្រោះឬស្លាប់

យើងត្រូវយល់ដឹងអំពីកត្តាជាច្រើនដែលអាចធ្វើអោយយើងប្រឈមទៅនឹងការរលូតក្នុងអំឡុងពេលពរពោះរយៈពេល10ខែដំបូងនៃការមានផ្ទៃពោះនេះ។ ត្រូវដឹងថាអាត្រាដែលទារកាអាចរសរានមានជីវិតពេលសម្រាលគឺតែងតែទាបជាងអាត្រាការមានផ្ទៃពោះដូចដែលខ្ញុំបាននិយាយពីខាងដើម។ បើលោកអ្នកមានសំនួរសូមជជែកជាមួយវេជ្ជបណ្ឌិតជំនាញដែលពាក់ព័ន្ធ ឬមួយលោកអ្នកអាចផ្ញើសំនួរផ្សេងៗមកខ្ញុំបាន។ សូមអោយទទួលបានជោគជ័យក្នុងគម្រោងការយកបុត្ររបសលោកអ្នក!!

អ្នកអាចចូលមើលគេហទំព័រផ្លូវការរបស់ខ្ញុំ នៅទីនេះ.