យុទ្ធសាស្ត្របង្ការជាមួយនឹងការធ្វើលំហាត់ប្រាណដើម្បីការពារជម្ងឺខ្សោយប្រដាប់ភេទ

• Facebook
• Instagram
• ប្លក, រូបភាព
• Telegram
• WhatsApp
• LinkedIn
• សំបុត្រ

ជម្ងឺខ្សោយប្រដាប់ភេទស្ថិតនៅក្នុងចំណាត់ថ្នាក់លេខមួយក្នុងចំណោមជម្ងឺផ្នែកប្រព័ន្ធទឹកនោមដទៃទៀត។ អ្នកជម្ងឺដែលទទួលរងភាវៈនេះពួកគាត់តែងតែមានអារម្មណ៍អៀនខ្មាស់ ហើយដោយឡែកទៀតពួកគាត់តែងតែព្យាយាមស្រាវជ្រាវរកវិធីសាស្រ្តផ្សេងៗដើម្បីធ្វើអោយអង្គជាតិរបស់គាត់ត្រឡប់មកវិញ។ ភាគច្រើនគ្រូពេទ្យតែងតែធ្វើការណែនាំដល់អ្នកជម្ងឺដែលទទួលរងភាវះនេះដោយអោយអ្នកជម្ងឺព្យាយាមធ្វើលំហាត់ប្រាណអោយបានទៀងទាត់។ មានសំនួរជាច្រើនដែលអ្នកជម្ងឺចង់សួរអំពីភាវៈនេះ ហើយពេលខ្លះគ្រូពេទ្យពិបាកនឹងវាយតម្លៃនឹងផ្តល់ចម្លើយអោយបានក្បោះក្បាយដល់អ្នកជម្ងឺដែលទទួលរងភាវៈនេះណាស់ ព្រោះដោយសារកត្តាពេលវេលាក្នុងការផ្តល់ពិភាក្សាមានកំនត់។ ប្រធានបទដែលខ្ញុំបង្ហាញមួយនេះពិតជាអាចធ្វើបំណកស្រាយបានច្បាស់លាស់ដោយផ្អែកលើភស្តុតាងនៃការប្រើប្រាស់ថ្នាំជាគោល។

យុទ្ធសាស្ត្រការពារការងាប់លិង្គ សំណួរ និងចម្លើយ

សំណួរ តើបុគ្គលណាខ្លៈដែលទទួលអត្ថប្រយោជន៍ពីការធ្វើលំហាត់ប្រាណ?

ចម្លើយ បុគ្គលគ្រប់រូប លើកលែងតែ លើកលែងតែបុគ្គលមួយក្រុមដែលពួកគាត់មានប្រវត្តិវះកាត់និងព្យាបាលជម្ងឺត្បៀតសរសៃឈាមបេះដូង។

• ដោយសារអ្នកជម្ងឺដែលមានភាវៈត្បៀតសរសៃឈាមបេះដូងពួកគាត់តម្រូវអោយប្រើប្រាស់ថ្នាំតាមរូបមន្តដែលគ្រូពេទ្យបានរៀបចំ ហើយថ្នាំទាំងនេះអាចមានផលប៉ពាល់ឬធ្វើអោយមានបញ្ហាលើមុខងារការឡើងរឹងនៃប្រដាប់ភេទ។
• ការទ្រាំហត់ក្នុងការធ្វើលំហាត់ប្រាណមិនបានល្អ នឹងធ្វើអោយកម្រិតភាពជោគជ័យមិនអាចដូចគោលដៅដែលបានកំនត់។

សំណួរ តើលំហាតើប្រាណរបៀបណាដែលនឹងត្រូវណែនាំ?

ចម្លើយ : ការធ្វើលំហាត់ប្រាណក្នុងកម្រិតមធ្យមនៃភាពហត់

• ឧទាហរណ៍ដូចជា៖ លំហាត់ប្រាណតាមបែបអ៊ែរ៉ូបិក, រត់, ដើរលឿន, រត់យឺតៗ,ជិះកង់ឬហែលទឹក។

សំណួរ តើលំហាត់ប្រាណដោយការលើកដុំដែកអាចជួយធ្វើអោយភាវៈខ្សោយប្រដាប់ភេទនេះល្អឡើងវិញដែរឬទេ?

ចម្លើយ លំហាត់ប្រាណដោយការលើកដុំដែកតែឯកឯងមិនអាចជួយអោយមុខងារមួយនេះល្អវិញបានឡើយលុះត្រាតែបូកផ្សំជាមួយនិងលំហាត់ប្រាណអ៊ែរ៉ូបិកដូចបានបញ្ជាក់ក្នុងសំនួរខាងលើទើបអាច។

សំណួរ ចុះការធ្វើលំហាត់ប្រាណរបៀបពង្រឹងសាច់ដុំអាងត្រគាកវិញ ?

ចម្លើយ លំហាត់ប្រាណរបៀបនេះមិនបានជួយអោយមុខងារនេះល្អឡើងវិញនោះទេ។

សំណួរ តើគួរធ្វើលំហាត់ប្រានក្នុងមួយលើកប៉ុន្មាននាទី?

ចម្លើយ លំហាត់ប្រាណដែលសមរម្យគួរតែ៖

• 40នាទីក្នុងមួយលើក, 4លើកក្នុងមួយសប្តាហ៍ (160នាទីក្នុងមួយសប្តាហ៍)
• ***ប្រសិនបើអាចបង្កើនចំនួននាទីដល់ទៅ 200-300នាទីក្នុងមួយសសប្ហាហ៍ វានឹងកាន់តែប្រសើរជាង 160នាទីក្នុងសប្ហាហ៍។

សំណួរ តើការធ្វើលំហាត់ប្រាណរយៈពេលយូរប៉ុណ្ណាដែលវាអាចជួយអោយមុខងារប្រដាប់ភេទត្រឡប់មកធម្មតាវិញ?

ចម្លើយ 6ខែបន្ទាប់ពីការធ្វើលំហាត់ស្របតាមបទដ្ឋានលំហាត់ប្រាណដែលបានណែនាំ។

• ដោយយោងលើការប៉ានប្រមាណខ្លីបំផុតក្នុងការធ្វើលំហាត់ប្រាណត្រឹម២ខែដែលអាចជួយអោយមុខងារនេះល្អប្រសើរឡើងវិញ លោកអ្នកអាចកត់សម្គាល់ដោយខ្លួនឯងនូវរយៈពេល២ខែនេះបាន។

សំណួរ តើយើងត្រូវព្យាបាលដោយវិធីសាស្រ្តដទៃណាផ្សេងទៀតក្នុងពេលដែលយើកំពុងធ្វើលំហាត់ប្រាណនេះដែរឬទេ?

ចម្លើយ មានការសិក្សានឹងអះអាងថាវាពិតជាអាចធ្វើអោយមុខងាមួយនេះត្រឡប់មកវិញបានយ៉ាងលឿនប្រសិនបើមានការព្យាបាលគួបផ្សំនិងការធ្វើលំហាត់ប្រាណក្នុងពេលតែមួយ។

ខាងក្រោមនេះជាការណែនាំដោយសង្ខេបដែលខ្ញុំតែងតែផ្តល់យោបល់ទៅកាន់អ្នកជម្ងឺប្រភេទនេះ។

1. លំហាត់ប្រាណកម្រិតមធ្យមរបៀបអ៊ែរ៉ូបិកអោយបានទៀងទាត់
2. 40 នាទីក្នុងមួយលើក
3. 4លើកក្នុងមួយសប្តាហ៍
4. យ៉ាងហោចណាស់រយៈពេល 6ខែ

ខ្ញុំសង្ឃឹមថាប្រធានបទមួយនេះអាចជួយអោយលោកអ្នកយល់ច្បាស់នឹងលែងមានមន្ទិលក្នុងចិត្ត។ តើពាក្យថា ”លំហាត់ប្រាណអោយទៀងទាត់ដែលគ្រូពេទ្យចង់សំដៅដល់គឺជាអ្វី?” ប្រសិនបើលោកអ្នកមានសំនួរឬចម្ងល់ផ្សេងៗ សូមជជែកជាមួយវេជ្ជបណ្ឌិតជំនាញផ្នែជម្ងឺបុរសរបស់លោកអ្នក ក្នុងនេះដែលលោកអ្នកអាចផ្ញើសំនួរផ្សេងៗទៀតពាក់ព័ន្ធនឹងភាវៈនេះមកខ្ញុំបាន។ ជួបគ្នាម្តងទៀតសម្រាប់ប្រធានបទថ្មីៗ។

អ្នកអាចចូលមើលគេហទំព័រផ្លូវការរបស់ខ្ញុំ នៅទីនេះ.