ក្រួសតម្រងនោមប្រភេទ ក្រួសអាស៊ីតអ៊ុយរិក ក្រួសប្រភេទនេះអាចទទួលការព្យាបាលដោយលារលេបថ្នាំបាន

• Facebook
• Instagram
• ប្លក, រូបភាព
• Telegram
• WhatsApp
• LinkedIn
• សំបុត្រ

ក្នុងប្រធានបទនេះនឹងមានការសង្កត់ន័យលើប្រភេទក្រួសតម្រងនោមម្យ៉ាងដែលយើងហៅថាក្រួសអាស៊ីតអ៊ុយរិក។ ដោយសារមានការសាកសួរពីអ្នកជម្ងឺជាច្រើនពាក់ព័ន្ធថាតើវានឹងមានថ្នាំលេបណាមួយដែលអាចប្រឆាំងនឹងការកើតក្រួសតម្រងនោមបានឬទេ? ចម្លើយដែលអាចឆ្លើយបានលឿននោះគឺ វាពិតជាមានថ្នាំលេបដែលអាចព្យាបាលក្រួសតម្រងនោមប្រភទអាស៊ីតអ៊ុយរិកបាន គ្រាន់តែប្រសិទ្ធិភាពគឺស្ថិតនៅលើអ្នកជម្ងឺផ្ទាល់ថាពួកគាត់ទទួលរងការឈឺចាប់ពីក្រួសតម្រងនោមប្រភេទនេះខ្លាំងឬស្រាលកម្រិតណា។ បញ្ហាទាំងអស់នេះត្រូវការការបកស្រាយនិងចំណាយពេលច្រើនក្នុងការធ្វើអោយអ្នកជម្ងឺយល់ច្បាស់អំពីបញ្ហា។

ដំបូងលោកអ្នកត្រូវស្គាល់និងយល់អំពីមូលហេតុការកើតឡើងនៃក្រួសតម្រងនោមនឹងការវិវឌ្ឍន៍របស់វាជាមុនសិន។ សមាសធាតុនៃក្រួសតម្រងនោមត្រូវបានចែកចេញជាពីរចំនែកធំៗ។

1. ប្រភេទក្រួសតម្រងនោមដែលមានសមាសធាតុកើតចេញពីកាល់ស្យូម(កំបោរ) លទ្ធភាពកើតឡើងដល់ទៅ 90%។
2. ប្រភេទក្រួសតម្រងនោមអាស៊ីតអ៊ុរិក លទ្ធភាពកើតឡើងគឺ 10%

ដោយសារក្រួសភាគច្រើន គឺជាពពួកកាល់ស្យូមដូច្នេះហើយមធ្យោបាយក្នុងការព្យាបាលក្រួសប្រភេទកាល់ស្យូមនេះនឹងមិនមានថ្នាំលេបណាមួយអាចជួយព្យាបាលបាលក្រៅអំពីការវះកាត់ក្នុងការយកវាចេញតែនោះទេ។ ប្រសិនលោកអ្នកកើតក្រួសតម្រងនោមហើយមិនទាន់មានការពិនិត្យតាមដានអោយបានច្បាស់លាស់ជាមុនសិនទេ នោះលោកអ្នកអាចមានលទ្ធភាពត្រឹមតែ 10%ដែលលោកអ្នកប្រហែលអាចប្រើថ្នាំលេបក្នុងការព្យាបាលលើក្រួសតម្រងនោមនេះ។

ធ្វើយ៉ាងដូចម្តេចដើម្បីដឹងថាយើងមានកើតក្រួសប្រភេទអាស៊ីតអ៊ុយរិកនេះ?

យើងនឹងបែងចែកការពិនិត្យជា២របៀប ទី១ គឺការពិនិត្យតាមលក្ខណៈសាមញ្ញ ចំនែកទី២ជាការពិនិត្យតាមរបៀបផ្ចិតផ្ចង់លើប្រភេទក្រួសនិមួយៗ។

• ការពិនិត្យតាមលក្ខណៈសាមញ្ញ
  • មើលកម្រិតជាតិអាស៊ីតតាមរយៈការពិនិត្យទឹកនោមដែលយើងហៅថាការមើលកម្រិត urine pH
  • កម្រិតដង់ស៊ីតេនៃក្រួសជាអប្បបរមាតាមរយៈមាស៊ីនស៊ីធីស្កែន
• ការពិនិត្យតាមរបៀបផ្ចិតផ្ចង់
  • ដឹងថាជាប្រភេទក្រួសអាស៊ីតអ៊ុយរិកតាមរយៈការបកប្រែលទ្ធផលនៃការវិភាគក្រួស
  • មានន័យថាចាប់យកក្រួសនេះផ្ញើទៅមន្ទីរពិសោធន៍ឯកទេសដើម្បីធ្វើការវិភាគ

តើការព្យាបាលក្រួសអាស៊ីតអ៊ុយរិកដោយមិនចាំបាច់ទទួលការវះកាត់នឹងត្រូវធ្វើឡើងតាមរបៀបណា?

• ការកែសម្រួលរបបអាហារ
  • ទទួលទានបន្លែនិងផ្លែឈើអោយបានច្រើនជាងធម្មតា ពិសេសដូចជាពពួកទឹកក្រូចនិងទឹកក្រូចឆ្មា។
  • កុំទទួលទានសាច់ច្រើនហួសហេតុពេក
  • ទទួលទានទឹកចាប់ពី 2,500មីលីលីត្រក្នុងមួយថ្ងៃតាមការណែនាំ
• ការប្រើថ្នាំព្យាបាល
  • ការធ្វើអោយកំហាប់(អាល់កាឡាញ)ដោយប្រើសារធាតុប៉ូតាស្យូមស៊ីត្រាតក្នុងការព្យាបាល។ ការព្យាបាលរបៀបនេះក្នុងគោលបំណងធ្វើអោយកំហាប់សារធាតុអាស៊ីតដែលយើងហៅថា urine pH គឺសូន្យ ដែលការធ្វើរបៀបនេះគឺវាអាចរំលាយជាតិអាស៊ីតដែលអាចបង្ករក្រួសបាន។
  • ការប្រើថ្នាំប្រឆាំងនឹងជម្ងឺអាស៊ីតឡើងខ្លាំងឬ Gout។ ជម្ងឺ Gout វាទាក់ទងទៅនឹងជម្ងឺក្រួសអាស៊ីតអ៊ុយរិក។

តើយើងតាមដានយ៉ាងណាដើម្បីអោយដឹងថាលទ្ធផលនៃការព្យាបាលល្អប្រសើរ?

• វេជ្ជបណ្ឌិតនៃជម្ងឺប្រព័ន្ធទឹកនោមនឹងធ្វើការតាមដានណាត់ជួបពិនិត្យ
  • ពិនិត្យទឹកនោមមើលកំហាប់អាស៊ីតឬ urine pH ។ កម្រិត urine pHដែលល្អគឺនៅក្នុងចន្លោះពី 6,5-7,0។
  • ការពិនិត្យតាមដានដោយប្រើម៉ាស៊ីន អ៊ុលត្រាសោនឬស៊ីធីស្កែន។ មានន័យថាការថយចុះនៅកម្រិតឬទំហំក្រួសគឺមានន័យថាការព្យាបាលបានទទួលជោគជ័យ។

ប្រសិនបើការព្យាបាលដោយថ្នាំលេបហើយនៅតែមិនជោគជ័យ តើយើងត្រូវធ្វើយ៉ាងម៉េចបន្តទៀត?

• ប្រសិនបើថ្នាំលេបមិនជោគជ័យនោះមានន័យថាគ្មានជម្រើផ្សេងទៀតណាមួយក្នុងការដោះស្រាយរឿងក្រួសនេះទេ មានតែមកជជែកគ្នារឿង៖
  • ការបាញ់រំលាយក្រួសដោយម៉ាស៊ីន(ESWL)
  • ការសុងបំបែកក្រួសដោយកាំរស្មីឡាហ៊្សែ

សម្រាប់ព័ត៏មានឬទិន្នន័យបន្ថែមទាក់ទងនឹងរឿងក្រួសអាស៊ីតអ៊ុយរិក សូមលោកអ្នកពិភាក្សាជាមួយនឹងវេជ្ជបណ្ឌិតឯកទេសផ្នែកជម្ងឺប្រព័ន្ធទឹកនោមរបស់លោកអ្នក។ ក្នុងន័យនេះដែរលោកអ្នកអាចផ្ញើសំនួរទាំងឡាយមកកាន់ខ្ញុំបានដូចគ្នាដែរ។ ជួបគ្នាសារជាថ្មីនៅវគ្គក្រោយជាមួយនឹងប្រធានបទផ្សេងទៀត។

អ្នកអាចចូលមើលគេហទំព័ររបស់ខ្ញុំ នៅទីនេះ.