Gardasil-9 តើវាមានអ្វីល្អជាង Gardasil-4?

• Facebook
• Instagram
• ប្លក, រូបភាព
• Telegram
• WhatsApp
• LinkedIn
• សំបុត្រ

នៅពេលដែលមានអ្នកជម្ងឺជាច្រើននាក់គាត់បានសួរថា តើមានអ្វីខុសប្លែកគ្នារវាងវ៉ាកសាំងការពារជម្ងឺមហារីកដែលបង្ករដោយវិរុសHPV ប្រភេទ Gardasil-9 និង ប្រភេទ Gardasil-4? ក្នុងប្រធានបទនេះលោកអ្នកនឹងបានទទួលព័ត៏មានលំអិតពាក់ព័ន្ធនឹងសំណួរជាច្រើនដូចតទៅនេះ។

សំណួរគេសួរញឹកញាប់ Gardasil 9 ។

តើប្រភេទវិរុស HPV មួយណាដែលវ៉ាកសាំងទាំងនេះអាចជួយការពារបាន?

• Gardarsil-4 មានសមត្ថភាពអាចប្រឆាំងនឹងវិរុស HPV 6, 11, 16 and 18
• Gardasil-9 មានសមត្ថភាពអាចប្រឆាំងនិងវិរុស HPV6,11,16,18,31,33,45 and 58

តើវ៉ាកសាំងប្រភេទនេះវាមានអាត្រាប្រសិទ្ធិភាពប៉ុណ្ណាក្នុងការការពារជម្ងឺមហារីកមាត់ស្បូន?

• សម្រាប់ប្រភេទ Gardarsil-4 ត្រូវបានរាយការណ៍មកថាប្រហែល 70%អាចប្រឆាំងនឹងជម្ងឺមហារីកមាត់ស្បូន
• សម្រាប់ Gardasil-9 ត្រូវបានរាយការណ៍មកថាប្រហែល 90%អាចប្រឆាំងនឹងជម្ងឺមហារីកមាត់ស្បូន។

តើវ៉ាកសាំងប្រភេទនេះវាអាចជួយការពារជម្ងឺមហារីកប្រដាប់ភេទបុរសបានដែរឬទេ?

• សម្រាប់ព័ត៏មានក្នុងរឿងនេះ នៅមិនទាន់មានកាសិក្សាបញ្ជាក់បន្ថែមថាតើការចាក់វ៉ាកសាំងប្រភេទនេះលើបុរសអាចជួយប្រឆាំងបានប៉ុណ្ណានោះទេ យើងគ្រាន់តែដឹងថាការចាក់វ៉ាកសាំងហ្កាដាស៊ីល Gardasil វាអាចជួយការពារទៅនឹងវិរុស HPVបានសម្រាប់បុរស គ្រាន់តែមិនបានទទួលផលច្រើនដូចការចាក់សម្រាប់ស្រ្តីនោះទេ។

តើវ៉ាកសាំងប្រភេទនេះវាអាចជួយការពារជម្ងឺដុះសាច់លើប្រដាប់ភេទដែរឬទេ?

• សម្រាប់ប្រភេទ Gardarsil-4 ត្រូវបានរាយការណ៍មកថាប្រហែល77%អាចជួយប្រឆាំងទៅនឹងជម្ងឺដុះសាច់លើប្រដាប់ភេទបាន។
• សម្រាប់ប្រភេទ Gardasil-9 នៅមិនទាន់ទទួលបានការធ្វើបច្ចុប្បន្នភាពលើប្រសិទ្ធិភាពក្នុងការប្រឆាំងនឹងជម្ងឺដុះសាច់លើប្រដាប់ភេទនៅឡើយទេ គ្រាន់តែមានការធ្វើសេចក្តីប៉ាន់ប្រមាណថាប្រហែលជាអាចជួយប្រឆាំងបានច្រើនជាងប្រភេទ Gardarsil-4 ។

ការចាក់វ៉ាកសាំងហ្កាដាស៊ីល Gardarsil មួយវគ្គ រួមទាំងអស់ត្រូវមាន ៣ម្ជុល (ក្នុងចន្លោះពី 0, 2ខែ និង6ខែ) តើការចាក់ម្ជុលដំបូងវាមានប្រសិទ្ធិភាពជួយការពារបានខ្លះដែរឬទេ?

• ប្រាកដណាស់!វាពិតជាអាចមានប្រសិទ្ធិភាពជួយការយើងបានភ្លាមបន្ទាប់ពីយើងទទួលការចាក់ម្ជុលលើកទី1រួចហើយ។ មានការសិក្សាបញ្ជាក់ពីប្រទេសអេស្បាញអំឡុងឆ្នាំ 2017មកថា 61%អាត្រាការការពារបន្ទាប់ពីបានទទួលការចាក់ដូសដំបូងសម្រាប់ប្រភេទ Gardarsil-4។ ប៉ុន្តែមិនទាន់មានសេចក្តីបញ្ជា់ច្បាស់លាស់ថាវាអាចទប់ទល់បានយូរប៉ុណ្ណានោះទេ។

តើអ្នកជម្ងឺដែលធ្លាប់មានប្រវត្តិការឆ្លងវិរុស HPV រួចមកហើយ តើពួកគាត់នៅតែអាចទទួលអត្ថប្រយោជន៍ពីការចាក់វ៉ាកសាំងនេះដែរឬទេ?

• ពិតមែនហើយ! មានការសិក្សានិងរបាយការណ៍បញ្ជាក់អំឡុងឆ្នាំ 2009 ដែលសិក្សាលើស្ត្រីចំនួន 18,174នាក់លើបញ្ហានេះ ហើយជាលទ្ធផលគេឃើញថា Gardarsil អាចផ្តល់ការជួយការពារដល់អ្នកជម្ងឺដែលធ្លាប់មានប្រវត្តិការឆ្លងនៃវិរុស HPV នេះបានប្រាកដមែន។

Gardasil-9 វាមានតម្លៃថ្លៃជាង Gardarsil-4 បន្តិចបើធៀបគ្នា! លោកអ្នកអាចពិចារណានឹងជ្រើសរើសដោយខ្លួនលោកអ្នកបានដោយផ្អែកលើព័ត៏មានដូចខ្ញុំបានជម្រាបជូនខាងលើ។ សម្រាប់សំនួរផ្សេងៗទៀតដែលលោកអ្នកមានចម្ងល់សូមជជែកជាមួយវេជ្ជបណ្ឌិតឯកទេសរបស់លោកអ្នក ហើយលោកអ្នកអាចផ្ញើសំនួរទាំងឡាយមកខ្ញុំបានដូចគ្នាផងដែរ។សូមអរគុណ!

អ្នកអាចចូលមើលគេហទំព័រផ្លូវការរបស់ខ្ញុំ នៅទីនេះ.