តើយើងអាចចាក់អ័រមនភេទឈ្មោលដោយខ្លួនឯងតាបរបៀបណា?

• Facebook
• Instagram
• ប្លក, រូបភាព
• Telegram
• WhatsApp
• LinkedIn
• សំបុត្រ

ប្រធានបទនេះ យើងនឹងពិភាក្សាអំពីរបៀបធ្វើការចាក់ Testosterone ដោយខ្លួនឯងតាមរយៈសាច់ដុំ ដែលអាចព្យាបាលមួយក្នុងចំណោមបួននៅក្នុង បញ្ហាងាប់លិង្គ.

ដូចដែលយើងបានដឹងហើយថាវិបត្តិនៃអ័រមនភេទឈ្មោលដែលធ្លាកចុះទាប គឺជាបញ្ហាដែលបានកើតឡើងសម្រាប់បុរសគ្រប់រូបដែលមានវ័យកាន់តែចំណាស់ ។ ហើយបញ្ហានេះមានបុរសជាច្រើនពួកគាត់បានព្រួយបារម្ភនាពេលបច្ចុប្បន្ននេះ។ នៅពេលដែលសេរ៉ុមអ័រមនភេទឈ្មោលមានការធ្លាក់ចុះ កត្តានេះវានឹងបង្ករអោយយើងបាត់បង់កម្លាំងថាមពល, មានអារម្មណ៍តានតឹងនិងតប់ប្រម៉ល់ នឹងមានពេលខ្លះវាអាចធ្វើអោយលឹង្គរបស់បុរសមិនឡើងរឹងទៀតផង។ ក្នុងនេះគេបានបែងចែកដល់ទៅ 3ផ្លូវក្នុងការព្យាបាល ដែលរបៀបទាំង3នេះបានទទួលការអនុញ្ញាតអោយប្រើប្រាស់ពីអង្គភាពគ្រប់គ្រងឪសថនិងអាហាររបស់សហរដ្ឋអាមេរិក FDA-approved ក្នុងការរៀបចំដោះស្រាយលើបញ្ហាកង្វះអ័រមនភេទឈ្មោល។

1. តាមការលេបថ្នាំ Oral route
2. តាមរយៈការប្រើតូពីកាល់លាបលើស្បែក Topical transdermal route
3. តាមការចាក់បញ្ចូលទៅក្នុងសាច់ដុំ Intramuscular injection route

អ្វីក៏ដោយវាតែងតែមានចំនុចខ្សោយនិងចំនុចខ្លាំងសម្រាប់ជម្រើសផ្លូវព្យាបាលនីមួយៗ! ក្នុងថ្ងៃនេះយើងនឹងនិយាយតែចំពោះជម្រើសការព្យាបាលដោយការចាក់បញ្ចូលទៅក្នុងសាច់ដុំតែប៉ុណ្ណោះ។ ការចាក់បញ្ចូលតាមរយៈសាច់ដុំរបស់យើង ជាទូទៅគឺត្រូវចាក់ដោយអ្នកបច្ចេទេសវេជ្ជសាស្រ្តបានដែលតែងតែអនុវត្តការចាក់ទាំងនេះនៅតាមមន្ទីរព្យាបាលនានា។ ចំនែកឯទីតាំងលើរាងកាយដែលតម្រូវអោយចាក់ គឺនៅឯបរិវេណកំប៉េះគូទរបស់យើង។

ម្យ៉ាងវិញទៀតគេឃើញមានជាប្រភេទអាហារបំប៉ននៃអ័រមនភេទឈ្មោល testosterone supplement regimens មួយចំនួនដូចជា ៖ Testoviron (Testosterone Enanthate) 250 mg ដែលតម្រូវអោយយើងចាក់រៀងរាល់ 2-3សប្តាហ៍ ដែលការចាក់របៀបនេះវាពិបាកដល់អ្នកជម្ងឺក្នុងការរៀបចំតារាងពេលវេលាក្នុងការមកចាក់នៅមន្ទីរពេទ្យ។ មានអ្នកជម្ងឺជាច្រើនបានសួរមកខ្ញុំថា “តើពួកគាត់អាចចាក់វាដោយខ្លួនឯងបានដែរឬទេ?” ចម្លើយនោះគឺ “ប្រាកដជាបាន ” ប៉ុន្តែយើងនឹងមិនចាក់លើសាច់ដុំកំប៉េះគូទនោះទេ។ ការណែនាំចំពោះទីតាំងដែលគួរចាក់ដោយខ្លួនឯង គឺគួរចាក់នៅលើសាច់ដុំភ្លៅ។ ខ្ញុំនឹងបង្ហាញថាតើលោកអ្នកត្រូវធ្វើការចាក់ដោយរបៀបណា។

ជាដំបូងខ្ញុំចង់ប្រាប់លោកអ្នកថា ចូរលោកអ្នកុំព្យាយាចាក់តាមគំនិតការយល់ឃើញរបស់លោកអ្នកដោយគ្មានការណែនាំពីអ្នកបច្ចេកទេសពេទ្យអោយសោះ លោកអ្នកអាចចាក់បានក្រោយពេលលោកអ្នកបានទទួលការបង្រៀនហ្វឹកហាត់ណែនាំពីអ្នកជំនាញ រហូតដល់លោកអ្នកអាចមានសមត្ថភាពចាក់វាដោយខ្លួនឯង។

ផ្ទៃដែលបង្ហាញទីតាំងដែលគួរចាក់ ៖

• ចំនុចកណ្តាលនៃផ្នែកខាងក្រៅនៃសាច់ដុំភ្លៅ
• បែងចែកផ្ទៃខាងក្រៅនៃសាច់ដុំភ្លៅចេញជា៣ទីតាំង
  • នៅក្បែរគូទ
  • ផ្នែកកណ្តាល→ គឺជាទីតាំងដែលត្រូវចាក់
  • នៅក្បែរជង្គង់

អ្វីដែលត្រូវរៀបចំអោយបានរួចស្រេច ៖

1. ទឹកអាល់កុលនិងសំឡី
2. Testoviron 250 mg **សូមកុំភ្លេចពិនិត្យថ្ងែកំនត់អាយុរបស់ថ្នាំផង
3. សឺរាំងចំនុះ 3មីលីមីត្រ
4. ម្ជុលលេខ 18សម្រាប់បូម Testoviron ចេញពីអំពូល
5. ម្ជុលលេខ 24សម្រាប់ចាក់

សេចក្តីណែនាំស្តីពីការចាក់តេស្តូស្តេរ៉ូនដោយខ្លួនឯងតាមរយៈសាច់ដុំ

1. ត្រៀមឧបករណ៍អោយបានគ្រប់គ្រាន់ ហើយអាចអង្គុយលើកៅអីណាដែលមានផាសុក
2. សម្រេចអោយបានច្បាស់ថាយកសាច់ដុំភ្លៅខាងណាដើម្បីចាក់
3. ចាក់អោយចំចំនុចកណ្តាលនៃសាច់ដុំភ្លៅដែលយើងបានវាស់រួចរាល់
4. យកសំឡីអាលកុលជូតទីតាំងដែលនឹងត្រូវចាក់រហូតដល់អាល់កុលស្ងួតអស់
5. ប្រើសឺរាំងនិងម្ជុលលេខ 18បូមថ្នាំ ចេញពីអំពូល
6. បាញ់ខ្យល់ដែលនៅលាយជាមួយថ្នាំអោយអស់ពីសឺរាំង (យើងមិនអាចអោយខ្យល់ចូលទៅក្នុងរាងកាយយើងបានឡើយ)
7. ដកម្ជុលលេខ 18ចេញហើយគ្របគម្របវិញ រួចប្រើម្ជុលលេខ 24ដើម្បីត្រៀមចាក់
8. ចាក់បញ្ជូលថ្នាំ Testoviron ដោយយឺតៗនៅក្នុងសឺរាំងចំនុះ 3មីលីលីត្រដោយប្រើម្ជុលលេខ 24 រួចហើយដោតម្ជុលចូលទៅក្នុងសាច់ដុំភ្លៅរបស់យើងរហូតដល់សាច់ម្ជុលកប់ទៅក្នុងសាច់ដុំ។
9. ចាក់ម្ជុលសឺរាំងចូលថ្នមៗដើម្បីអោយជាក់ច្បាស់ថាម្ជុលមិនបានបុកឬមុតចូលទៅក្នុងសរសៃឈាមរបស់យើង។
10. បាញ់ថ្នាំដោយការសង្កត់បូតុងសឺរាំងដើម្បីអោយថ្នាំបានចូលទៅក្នុងសាច់ដុំរបស់យើង
11. រួចហើយដកម្ជុលសឺរាំងចេញពីសាច់ភ្លៅ ហើយសង្កត់ទីតាំងដែលចាក់ថ្នាំហើយដោយប្រើសំឡីឬស្កុតបិតពីលើពីរទៅបីនាទី។

ផលរំខានបន្តិចបន្តួចក្រោយការចាក់ថ្នាំ

• ឈឺសាច់ដុំចំទីតាំងដែលយើងបានចាក់ថ្នាំ

ខ្ញុំសូមបញ្ជាក់ម្តងទៀត! ការចាក់ថ្នាំគម្បីគួរតែទទួលការបង្ហាត់បង្រៀនពីអ្នកជំនាញផ្នែកវេជ្ជសាស្រ្ត រហូតទាល់តែលោកអ្នកស្ទាត់ហើយប្រាកដចិត្តថាលោកអ្នកមានសមត្ថភាពអាចចាក់វាដោយខ្លួនឯងបាន។ ប្រសិនលោកអ្នកមានសំនួរ សូមលោកអ្នកស្វែងរកវេជ្ជបណ្ឌិតឯកទេសផ្នែកប្រព័ន្ធទឹកនោមដើម្បីពិភាក្សាជាមួយ ក្នុងនោះដែរលោកអ្នកអាចផ្ញើសំនួរផ្សេងៗមកកាន់ខ្ញុំបាន។ ជួបគ្នាបន្តក្នុងអត្ថបទចំនេះដឹងដទៃទៀត។

អ្នកអាចចូលមើលគេហទំព័រផ្លូវការរបស់ខ្ញុំ នៅទីនេះ.