ហេតុអ្វីយើងចាំបាច់ត្រូវវាស់ទឹកនោមដែលនៅសល់ក្នុងប្លោកនោម ក្រោយពីនោមរួចហើយ?

• Facebook
• Instagram
• ប្លក, រូបភាព
• Telegram
• WhatsApp
• LinkedIn
• សំបុត្រ

អ្នកជម្ងឺជាច្រើនដែលមកជួបខ្ញុំតែងតែសួរខ្ញុំថា “ហេតុម្តេចបានជាគ្រូពេទ្យតែងតែណែនាំពួកយើងអោយវាស់កម្រិតទឹកនោមដែលនៅសល់នៅក្នុងប្លោកនោម?” ខ្ញុំនឹងធ្វើការពន្យល់បន្ថែមដើម្បីអោយបានយល់ច្បាស់ចំពោះប្រធានបទមួយនេះ។ ការនោមដែលមានសណ្ឋានខុសប្រក្រតីអាចមានមូលហេតុដែលបង្ករខុសគ្នាជាច្រើនយ៉ាងតាមរបៀបរបស់អ្នកជម្ងឺម្នាក់ៗ ហើយអ្វីដែលជាមូលហេតុទីមួយដែលគ្រូពេទ្យតែងតែដាក់ការសង្ស័យលើចំនោទបញ្ហានោះគឺ លក្ខខណ្ឌខុសប្រក្រតីនៃប្លោកនោមដែលអសមត្ថភាពក្នុងការច្របាច់ទឹកនោមអោយអស់ពីប្លោកនោមក្រោយពេលនោម ដោយបានបន្សល់ទឹកនោមមួយចំនែកនៅក្នុងប្លោកនោមរាល់ពេលនៃការនោមចេញម្តងៗនោះឯង។

ទោះជាយ៉ាងក៏ដោយចំនុចខ្សោយរបស់ម៉ាស៊ីនអេកូសាស្ត្រដែលប្រើក្នុងការវាស់កម្រិតបរិមាណទឹកនោមដែលនៅសល់ក្នុងប្លោកនោម វាពុំសូវមានសុក្រិតភាពល្អពេញលេញនៅឡើយនោះទេ។ ភាពមិនសុក្រិតរបស់ម៉ាស៊ីនអេកូសាស្រ្តក្នុងការវាស់កម្រិតបរិមាណទឹកនោមដែលនៅសល់ត្រូវបានបញ្ជាក់តាមរយៈចំនុចមួយចំនួនដូចខាងក្រោមនេះ។

ទោះយ៉ាងណាក៏ដោយគុណវិបត្តិនៃការវាស់កាំរស្មីអ៊ុលត្រាសោនគឺមិនត្រឹមត្រូវ។ លទ្ធភាពមិនត្រឹមត្រូវការវាស់ RU ពីអ៊ុលត្រាសោនត្រូវបានបង្ហាញខាងក្រោម។

1. ការគណនាដែលលើសភាពពិតក្នុងការវាស់កម្រិតបរិមាណទឹកនោមដែលនៅសល់ពេលនោមហើយ - ចំនុចសំខាន់នោះត្រង់ថា ការវាស់ត្រូវធ្វើឡើងត្រឹម 10នាទីតែប៉ុណ្ណោះបន្ទាប់ពីការនោមហើយ ហើយយើងត្រូវដឹងថាទឹកនោមក្នុងរាងកាយវាត្រូវបានផលិតនិងចម្រាញ់ចេញមកគ្រប់ពេលវេលាមិនមែនត្រឹមតែកំនត់ពេលវេលាណាមួយនោះឡើយ។
2. កម្រិតសមត្ថភាពរបស់ម៉ាស៊ីនអេកូសាស្រ្តផ្ទាល់ - ម៉ាស៊ីនអេកូសាស្រ្តគឺជាម៉ាស៊ីនដែលមានទម្រង់ឯករាជ្យ គឺវាបានពឹងផ្អែកអាស្រ័យទិន្នន័យទាំងស្រុងដែលអ្នកប្រើម៉ាស៊ីនច្រកបញ្ចូលដោយផ្ទាល់ក្នុងការគណនានៅកម្រិតអ្វីមួយដែលចង់គណនា។

ជាបន្ទាប់យើងនឹងជជែកគ្នាបន្ថែមពាក់ព័ន្ធទៅនឹងកម្រិតតម្លៃនៃទឹកនោម ៖

ទឹកនោមនៅសល់ នៅក្នុងមនុស្សពេញវ័យ

• RU < 50 mL (ស្ថិតក្នុងកម្រិតធម្មតាដែលប្លោកនោមអាចបញ្ចេញទឹកនោមបាន)
• RU > 200 mL ចាត់ទុកថាជាការបញ្ចេញចោលប្លោកនោមមិនគ្រប់គ្រាន់

ទឹកនោមនៅសល់ នៅក្នុងកុមារ

• RU > 20 mL ចាត់ទុកថាជាការបញ្ចេញប្លោកនោមមិនគ្រប់គ្រាន់

ទឹកនោមនៅសល់ ក្នុងវ័យចំណាស់

• RU 50 – 100 mL (ស្ថិតក្នុងកម្រិតធម្មតាដែលប្លោកនោមអាចបញ្ចេញទឹកនោមបាន)

នៅពេលដែល High RU ត្រូវបានរាយការណ៍ មូលហេតុផ្សេងៗត្រូវតែត្រូវបានវាយតម្លៃ - Neurogenic, មេកានិច, ទាក់ទងនឹងថ្នាំ, ជំងឺឆ្លង ឬរលាក។ បន្ទាប់មក ការព្យាបាលនឹងធ្វើឡើងតាមបុគ្គលម្នាក់ៗ។ មានការរាយការណ៍ថា RU > 100 mL មានហានិភ័យនៃការឆ្លងមេរោគផ្លូវទឹកនោម។

ការវាស់កម្រិតបរិមាណទឹកនោមដែលនៅសល់ក្នុងប្លោកនោម វាគឺជាចំនុចស្នោលក្នុងការវិនិច្ឆ័យនៃជម្ងឺទឹកនោមសល់ក្នុងប្លោកនោម។ ប្រសិនបើលោកអ្នកមានចម្ងល់ឬមានសំនួរបន្ថែម សូមលោកអ្នកស្វែងរកវេជ្ជបណ្ឌិតជំនាញផ្នែកប្រព័ន្ធទឹកនោមដើម្បីធ្វើកិច្ចពិភាក្សា។ ចំនែកខ្ញុំវិញ រីករាយនឹងទទួលសំនួររបស់លោកអ្នកជានិច្ច! សូមអរគុណ និងជួបគ្នាសារជាថ្មីសម្រាប់ប្រធានបទក្រោយទៀត។

អ្នកអាចចូលមើលគេហទំព័រផ្លូវការរបស់ខ្ញុំ នៅទីនេះ!