ជម្ងឺរើមលើប្រដាប់បន្តពូជ ជម្ងឺដែលចេះតើកើតគ្មានថ្ងៃបញ្ចប់

ជម្ងឺរើមលើប្រដាប់បន្តពូជ ជម្ងឺដែលចេះតើកើតគ្មានថ្ងៃបញ្ចប់
FB បណ្ឌិត សូរ៉ាវី
Soarawee Weerasopone, MD

ឯកទេសជំនាញវះកាត់ប្រព័ន្ធទឹកនោម
មន្ទីរពេទ្យរ៉ូយ៉ាល់ភ្នំពេញព្រះរាជាណាចក្រកម្ពុជា

ជម្ងឺរើមលើប្រដាប់បន្តពូជជាជម្ងឺដ៏សាមញ្ញមួយដែលខ្ញុំឧស្សាហ៍ជួបអ្នកជម្ងឺនៅក្នុងបន្ទប់ព្យាបាលរបស់ខ្ញុំ។ ជម្ងឺនេះវាតោងបង្ករអាការៈរលាកអាប់សែនៅលើប្រដាប់បន្តពូជ ហើយអាការៈនេះហើយដែលជាសញ្ញាបញ្ជាក់យ៉ាងច្បាស់សម្រាប់ជម្ងឺមួយប្រភេទនេះ។ ហើយម្យ៉ាងវិញទៀតដែរក្នុងការធ្វើរោគវិនិច្ឆ័យនៃជម្ងឺនេះវាមិនមានអ្វីលំបាកសម្រាប់គ្រូពេទ្យឡើយ។ នៅក្នុងប្រធានបទមួយនេះ យើងនឹងធ្វើការបកស្រាយទៅលើសំនួរដែលឧស្សាហ៍សួរជារឿយៗ ដែលសំនួរទាំងនេះមានដូចជា៖ តើជម្ងឺនេះវាកើតឡើងយ៉ាងដូចម្តេច? តើហេតុអ្វីបានជាខ្ញុំកើតជម្ងឺនេះ? តើជម្ងឺនេះអាចព្យាបាលជាដែរឬទ? តើយើងត្រូវការពារជម្ងឺនេះតាមរបៀបណាដើម្បីកុំអោយវាកើតឡើងម្តងទៀត?

ស្បែក HSV
ឧទាហរណ៍នៃការឆ្លងមេរោគ Herpes នៅគូទយោង៖ សៀវភៅសិក្សាស្តង់ដារ Campbell Walsh Wein Urology

ប្រដាប់បន្តពូជ Herpes បណ្តាលមកពីវីរុស Herpes simplex (HSV) ដែលមានពីរប្រភេទ។

  1. HSV-1 strain -ដែលជាធម្មតាវិរុសនេះរស់នៅក្នុងទីតាំមួយចំនួនដែលភាសាអង់គ្លេសហៅថា perioral area មានដូចជា៖ បបូរមាត់,គេមមមាត់ ជាដើម។ វិរុសក្រញ៉ៅ1នេះវាតែងតែបង្ករអោយមានការរលាកពងបែកតាមទីកន្លែងនីមួយៗហើយវាក៏អាចកើតនៅលើប្រដាប់ភេទយើងបានផងដែរ។
  2. HSV-2 strain -ដែលជាធម្មតាវិរុសនេះវារស់នៅទីតាំងបរិវេណប្រដាប់ភេទតែម្តង ហើយវានឹងបង្ករជាជម្ងឺរើមនៅលើប្រដាប់បន្តពូជជាគោល។ ចំនុចនេះជាប្រធានបទដែលយើងនឹងលើកយកមកនិយាយបន្ត។
HSV ១
ដំបៅក្នុងមាត់ក៏បណ្តាលមកពីវីរុស Herpes simplex ដែរ។

វិធីចំបងដែលអាចចម្លងវិរុសមួយនេះគឺដោយការប៉ះផ្ទាល់ទៅនឹងសារធាតុរាវរបស់អ្នកជម្ងឺដែលមានវិជ្ជមានជម្ងឺរើមនេះ (ជាពិសេសគឺបានប៉ះផ្ទាល់ទៅនឹងពងបែកដែលមានទឹករងៃ) នៅពេលមានការប៉ះពាល់និងមានការចម្លងរួចហើយជម្ងឺនេះនឹងបញ្ចេញជាអាការៈអោយយើងដឹងតាមរយៈ ការឈឺចាប់ដោយសារមានពងបែកនិងបណ្តុំគ្រាប់ៗនៅក្នុងទីតាំងដែលបានកើតនេះ ហើយទីតាំងនេះហើយដែលវាអាចនឹងបន្តការចម្លង។ ជាធម្មតាវានឹបញ្ចេញសញ្ញានៃការឆ្លងរយៈពេល ១៤ថ្ងៃបន្ទាប់ពីមានការចម្លងរោគ ចំនែកឯអាការៈវិញគឺវាមានការប្រែប្រួលទៅតាមស្ថានភាពអ្នកជម្ងឺ។ ចំនែកឯវិរុសវាបានលាក់ខ្លួននៅក្នុងប្រព័ន្ធប្រសាទរបស់យើង ហើយវានឹងនៅក្រាំងក្នុងទីនោះតែម្តង។ ចំនុចតែម្យ៉ាងគត់ដែលមិនអាចធ្វើអោយវិរុសនេះបញ្ចេញសកម្មភាពបាន គឺដោយសារប្រព័ន្ធភាពផ្សាំ immunity របស់យើងខ្លាំង។

ជំងឺកាមរោគ
ទាក់ទងដោយផ្ទាល់ជាមួយការសម្ងាត់របស់អ្នកជំងឺ HSV គឺជាផ្លូវបញ្ជូនសំខាន់។

នៅពេលដែលប្រព័ន្ធភាពផ្សាំរបស់អ្នកជម្ងឺចុះខ្សោយ ឧទាហរណ៍៖

  • គ្រប់ប្រភេទជម្ងឺប្រចាំកាយដែលកើតមាន
  • ធ្វើការងារនឿយហត់ច្រើន ហើយមិនបានដេកអោយគ្រប់គ្រាន់
  • មានជម្ងឺសតិអារម្មណ៍និងជម្ងឺផ្លូវចិត្ត
ភាពតានតឹង
ការងារច្រើនពេកដែលនាំឱ្យគេងតិចនាំឱ្យមានប្រព័ន្ធភាពស៊ាំទាប។

កត្តាខាងលើនេះហើយដែលអាចធ្វើអោយវិរុសបង្កើតសកម្មភាពបាន ហើយវាបានធ្វើដំណើរទៅកាន់ស្បែកប្រដាប់បន្តពូជរបស់យើង ហើយវាក៏បញ្ចេញអាការៈម្តងទៀត។ ចរន្តដ៏គួរអោយធុញទ្រាន់មួយនេះវានឹងកើតឡើងកើតចុះស្ទើរមួយជីវិតរបស់យើង។

មធ្យោបាយដើម្បីធ្វើរោគវិនិច្ឆ័យនៃជម្ងឺរើមលើប្រដាប់បន្តពូជនេះមានភាពប្រែប្រួលដោយអាស្រ័យទៅតាមស្ថានភាពផ្សេងៗ។

  1. ប្រសិនបើអាការៈបានបង្ហាញច្បាស់ ហើយយើងអាចប៉ានប្រមាណដឹងតាមរយៈការសាកសួរពីប្រវត្តិនៃជម្ងឺរើមលើប្រដាប់បន្តពូជមកមុនហើយនោះ ដូច្នេះការធ្វើរោគវិនិច្ឆ័យអាចសម្រេចយកជាការបានដោយមិនចាំបាច់ធ្វើតេស្តអ្វីបន្ថែមឡើយ។
  2. Tzank smear -យើងយកសំណាកផ្ទាល់ពីកន្លែងដែលមានដាច់រលាត់ដោយការបៀកផ្ទាល់។
  3. HSV PCR test -យើងប្រើការបូមឈាមទៅពិនិត្យក្នុងករណីដែលយើងមិនអាចបៀកយកសំណាកបាន។
Tzank
តេសស្កែនដែលធ្វើដោយការយកគំរូតាមដំបៅសម្រាប់ការសិក្សាអំពីមីក្រូទស្សន៍អាចផ្តល់ឱ្យយើងនូវព័ត៌មានដ៏មានតម្លៃ។
ការធ្វើតេស្តឈាម
ការធ្វើតេស្តឈាមសម្រាប់ការសិក្សា PCR គឺជាការស៊ើបអង្កេតច្បាស់លាស់ចំពោះការឆ្លងមេរោគ Herpes simplex ។

ការព្យាបាលជម្ងឺរើមលើប្រដាប់បន្តពូជ គឺយើងប្រើប្រាស់ឪសថប្រឆាំងវិរុស anti-viral agents ហើយការព្យាបាលនេះវាមានផលវិជ្ជមានក្នុងន័យការកាត់បន្ថយអំឡុងពេលនៃការបញ្ចេញរោគសញ្ញាផងអំឡុងពេលនៃការចម្លងបន្តផង។ មានអត្ថបទមួយបានបង្ហាញថា ជម្ងឺរើមលើប្រដាប់បន្តពូជនេះវាអាចនឹងជាដោយមិនចាំបាច់ប្រើប្រាសថ្នាំក្នុងរយៈពេល19ថ្ងៃ។ ខាងក្រោមនេះជាតារាងឈ្មោះនៃពពួកក្រុមថ្នាំប្រឆាំងវិរុស ៖

  • Acyclovir - រូបមន្តស្តង់ដារដែលមានផលរំខានដោយសារថ្នាំទាបបំផុត
  • Valacyclovir - ល្អអាចជ្រាបតាមជាលិកាពោះវៀនតូចបានលឿន
  • Panciclovir - ជាប្រភេទក្រែមតូពីកាល់ដែលអាចលាបលើបបូរមាត់ដែលមានវិរុសរើមនេះបាន
  • Ganciclovir - ជាការបន្ថែមប្រសិទ្ធិភាបដែលអាចប្រឆាំងនឹងវិរុសដទៃទៀត ដូចជាពពួក Cytomegalovirus (CMV)
Penile HSV
ឧទាហរណ៍នៃការឆ្លងមេរោគ Herpes simplex នៅស្បែកលិង្គយោង៖ សៀវភៅសិក្សាស្តង់ដារ Campbell Walsh Wein Urology

ដោយឡែកបច្ចុប្បន្ននេះយើងនូវពុំទាន់ទទួលបានការអនុម័តអោយប្រើថ្នាំបង្ការ HSV vaccination សម្រាប់វិរុស HSV នៅឡើយ ហើយម្យ៉ាងវិញទៀត វិរុសដែលកើតនៅលើប្រដាប់បន្តពូជវាតែងតែបង្ករភ្ជាប់មកជាមួយនឹងពពួកមេរោគដែលបង្ករជម្ងឺកាមរោគដទៃទៀតផងដែរ។ ដូច្នេះហើយជាការល្អនៅពេលដែលលោកអ្នកមានជម្ងឺរើមប្រភេទនេះ លោកអ្នកគប្បីគួរតែធ្វើតេស្តរកជម្ងឺកាមរោគផងដែរទើបជាការល្អ។ ខ្ញុំគ្មានការណែនាំអ្វីផ្សេងទៀត ក្រៅតែអំពីអោយលោកអ្នកថែរក្សាសុខភាពរបស់ខ្លួនអោយបានរឹងមាំ ព្រោះនៅពេលលោកអ្នកមានសុខភាពរឹងមាំលោកអ្នកនឹងអាចឈ្នះគ្រប់ជម្ងឺអ្វីៗទាំងអស់។ សូមជូនពរលោកអ្នកមានសុខភាពល្អ!

អ្នកអាចចូលមើលគេហទំព័ររបស់ខ្ញុំ នៅទីនេះ.

ឥតគិតថ្លៃ ១
ឥតគិតថ្លៃ ២
WeChat
WhatsApp BW ៣
Telegram ចុងក្រោយ
ជួរ

ប្រធានបទនៅលើ ជំងឺកាមរោគ

HPV PCR នៅក្នុងសំណាកទឹកនោម៖ តើអត្រារកឃើញមានប៉ុន្មាន?

ការធ្វើតេស្តេ HPV PCR តាមរយៈទឹកនោម តើអាត្រាការចាប់មេរោគមានកម្រិតល្អប៉ុណ្ណា?

ខ្ញុំបានចំណាយពេលជាច្រើនឆ្នាំអនុវត្តការងារនៅក្នុងប្រទេសកម្ពុជា ដោយមានអ្នកជម្ងឺយ៉ាងច្រើនបានសាកសួរនឹងស្វែងរកការណែនាំទាក់ទងនឹងជម្ងឺ Human Papilloma virus (HPV)។យើងដឹងហើយថាការបង្កររោគដោយវីរុសប្រភេទនេះវាអាចនឹងបង្ករអោយយើងជួបបញ្ហាដូចតទៅនេះ ៖បន្តអាន “HPV PCR in urine specimen: How much the detection rate?“

Gardasil 9: តើវាប្រសើរជាង Gardasil 4 ទេ?

Gardasil-9 តើវាមានអ្វីល្អជាង Gardasil-4?

នៅពេលដែលអ្នកជំងឺជាច្រើននៅក្នុងការិយាល័យរបស់ខ្ញុំដែលបានសួរអំពីភាពខុសគ្នារវាងការចាក់វ៉ាក់សាំង HPV ទាំងនេះ Gardasil 9 និង Gardasil 4. នៅក្នុងអត្ថបទនេះ វានឹងឆ្លើយសម្រាប់សំណួរទាំងអស់នោះនៅក្នុងព័ត៌មានលម្អិត។ សំណួរគេសួរញឹកញាប់ Gardasil 9 ។ តើប្រភេទរង HPV មួយណាអាចការពារបាន? Gardasil 4 មានការការពារប្រឆាំងនឹង HPV 6, 11,បន្តអាន “Gardasil 9: Does it better than the Gardasil 4?“

ការធ្វើតេស្តវិជ្ជមានក្លែងក្លាយ VDRL៖ តើមូលហេតុអ្វីខ្លះដែលនាំឱ្យកើតជំងឺនេះ?

តេស្តវិជ្ជមានក្លែងក្លាយ VDRL៖ តើនេះបណ្តាលមកពីអ្វី?

តេស្ត VDRL ឬតេស្តមន្ទីរពិសោធន៍ស្រាវជ្រាវជំងឺ Venereal គឺជាការធ្វើតេស្តពិនិត្យរោគស្វាយទូទៅដែលគ្រូពេទ្យបច្ចុប្បន្នកំពុងប្រើនៅទូទាំងពិភពលោក។ ដោយសារតែងាយស្រួលរកសូម្បីតែអ្នកជំងឺខ្លួនឯងក៏អាចរកឃើញការធ្វើតេស្តនេះនៅមន្ទីរពិសោធន៍ក្នុងស្រុកក្បែរផ្ទះរបស់ពួកគេដោយមិនចាំបាច់ពិគ្រោះយោបល់ជាមួយអ្នកជំនាញមុននឹងយកគំរូឈាមពីសរសៃឈាមវ៉ែនរបស់ពួកគេ។បន្តអាន “VDRL false positive test: What are the causes of this?“

កំពុងផ្ទុក …

មាន​អ្វីមួយ​មិន​ប្រក្រតី។ សូមផ្ទុកទំព័រឡើងវិញនិង / ឬព្យាយាមម្តងទៀត។

ទុកការឆ្លើយតប

kmភាសាខ្មែរ
%d អ្នកសរសេរប្លុកចូលចិត្តនេះ៖