ជម្ងឺគីសលើបំពង់ក្រពេញពងស្វាស Epididymal cyst តើយើងត្រូវដោះស្រាយយ៉ាងណាជាមួយបញ្ហានេះ?

• Facebook
• Instagram
• ប្លក, រូបភាព
• Telegram
• WhatsApp
• LinkedIn
• សំបុត្រ

ជម្ងឺគីស Epididymal cyst លើបំពង់ក្រពេញពងស្វាស គឺជាជម្ងឺដ៏សាមញ្ញមួយដែលវាមានការពាក់ព័ន្ធទៅនឹងប្រព័ន្ធពងស្វាស encysted structure ហើយខ្ញុំតែងតែឧស្សាហ៍ជួបជម្ងឺនេះនៅក្នុងបន្ទប់ព្យាបាលផ្នែកប្រព័ន្ធទឹកនោមរបស់ខ្ញុំជារឿយៗ។ ជម្ងឺនេះត្រូវបានគេកំនត់ថាជម្ងឺរលាកបំពង់ Epididymitis ដែលវាកើតឡើងបណ្តាលមកពីការរងរបួសឬការរលាកទៅលើរចនាសម្ព័ន្ធនៃបំពង់ Epididymiss មួយនេះ។ មានការបញ្ជាក់ជាភស្តុតាងយ៉ាងច្បាស់លាស់ថា សារធាតុស្ព៊ែម spermatozoa or seminal fluid ដែលជាសារធាតុរាវមួយនៅក្នុងរចនាសម្ព័ន្ធនៃពងស្វាសបុរស បានបង្ហាញវត្តមាននៅក្នុងគីសដែលកើតមាននៅលើបំពង់ Epididymiss ផងដែរ។ ដូច្នេះហើយទើបគេកំនត់ន័យថា ជម្ងឺនេះជាជម្ងឺដុះសាច់បន្ទាប់ពីមានការដាច់រលាត់ណាមួយកើតឡើងនៅក្នុងបរិវេណនេះ។

ប្រវត្តិធម្មជាតិនៃ ដុំពក Epididymal

អាការៈនៃជម្ងឺនេះជាធម្មតាតែងតែបង្ហាញដោយចែដន្យ ដោយការពិនិត្យឃើញដោយខ្លួនអ្នកជម្ងឺផ្ទាល់ គឺមានអារម្មណ៍និងការមើលឃើញថា វាមានការខុសប្លែកបន្តិចបន្តួចលើពងស្វាសពេលចាប់ស្ទាប ភាគច្រើនក្នុងពេលយើងងូតទឹក។ ដោយសារវាជាជម្ងឺដែលមិនបង្ហាញអាការៈសញ្ញា អញ្ចឹងយើងអាចដឹងថាវាជាជម្ងឺប្រភេទនេះបានប្រហែលពី 20-40% តាមរយៈការធ្វើអេកូលើពងស្វាស scrotal ultrasound ។ ប្រវត្តិលក្ខណៈធម្មជាតិនៃជម្ងឺគីសលើបំពង់ក្រពេញពងស្វាសនេះ វាមានការប្រែប្រួល ហើយវាអាចជាសះស្បើយបានតាមរបៀបធម្មជាតិដោយខ្លួនឯង ដោយពេលខ្លះអាការៈនៃជម្ងឺនេះវាអាចនឹង ហើយពេលខ្លះអាការៈនៃជម្ងឺនេះវាអាចធ្វើទុក្ខយឺតៗពីមួយថ្ងៃទៅមួយថ្ងៃ។ ដោយភាគច្រើនជម្ងឺនេះវាមិនមានបង្ហាញអាការៈការធ្វើទុក្ខ អញ្ចឹងហើយទើបគ្រូពេទ្យតែងតែណែនាំអោយមានពិនិត្យរកមូលហេតុបន្ថែមនៃជម្ងឺនេះ ភាគច្រើនដោយគេចង់ដឹងទៅលើទំហំនៃគីសនេះតែម្តង ថាវាធំប៉ុណ្ណា?។ ដោយមានការសិក្សាបានបង្ហាញថាប្រសិនបើគីសនេះមានទំហំមិនដល់ 10មីលីម៉ែត្រទេនោះ នោះយើងពិតជាមានសុវត្ថិភាពច្រើន ហើយការព្យាបាលក៏អាចអនុវត្តតាមរបៀបការព្យាបាលបែបធម្មជាតិ ជាភាសាអង់គ្លេស conservative treatment ។

ចំណាប់អារម្មណ៍ទៅលើការសាកល្បងតាមគំរូជាបណ្តំដែលធ្វើឡើងក្នុងប្រទេសឥណ្ឌាកាលពីឆ្នាំ 2019 គេសិក្សាតាមរបៀបការព្យាបាលដែលមានលក្ខណៈផ្សេងៗគ្នា ទៅលើដុំគីសដែលមានទំហំខុសៗគ្នា តាមរបាយការណ៍ដូចបង្ហាញខាងក្រោមនេះ។

1. < 10 ម។
   • ព្យាបាលតាមរបៀបធម្មជាតិ ដែលលទ្ធភាពប្រហែល 95%អាចនឹងភាពល្អប្រសើរក្នុងរយៈពេល 3ឆ្នាំឡើងទៅ។
2. ទំហំពី11-20មីលីម៉ែត្រ
   • ព្យាបាលតាមរបៀបធម្មជាតិ ដែលលទ្ធភាពប្រហែល 66%អាចនឹងមានភាពល្អប្រសើរក្នុងរយៈពេល 3ឆ្នាំឡើងទៅ។
   • ត្រូវការប្រើម្ជុលច្រិបសាច់ក្នុងលក្ខខណ្ឌមួយដែលអ្នកជម្ងឺមិនមានអាការៈធ្វើទុក្ខអ្វីសោះ។
3. ទំហំពី 21-50មីលីម៉ែត្រ
   • 0%ប្រសិនបើព្យាបាលតាមរបៀបធម្មជាតិក្នុងរយៈពេល 3ឆ្នាំ
   • ត្រូវការប្រើម្ជុលច្រិបសាច់ក្នុងលក្ខខណ្ឌមួយដែលអ្នកជម្ងឺមិនមានអាការៈធ្វើទុក្ខអ្វីសោះ។
   • ការប្រើវិធីវះកាត់ជាជម្រើសចុងក្រោយបង្អស់ ពិព្រោះថាវិធីនេះវានឹងមានផលប៉ះពាល់ដល់ការអសមត្ថភាពក្នុងការបង្ករកំនើត។

សម្រាប់បញ្ញាខាងលើទាំងអស់នេះ ខ្ញុំសូមនិយាយថាចូរកុំមានការព្រួយបារម្ភខ្លាំងពេកសម្រាប់ជម្ងឺគីសលើបំពង់ក្រពេញពងស្វាសនេះ Epididymal cyst ទោះយ៉ាងណាយើងនៅតែមានមធ្យោបាយសម្រាប់ដោះស្រាយបាន។ ជួបគ្នាសារជាថ្មីជាមួយនឹងប្រធានបទក្រោយៗទៀត! សូមអរគុណ

អ្នកអាចមានអារម្មណ៍សេរីចូលមើលគេហទំព័រផ្លូវការរបស់ខ្ញុំ នៅទីនេះ.