fbpx

ជម្ងឺរាន់នោម ការលិចនោមមុនទៅដល់បន្ទប់ទឹក

ភាពមិនអត់ធ្មត់នៃភាពតានតឹង
FB បណ្ឌិត សូរ៉ាវី
Soarawee Weerasopone, MD

ឯកទេសជំនាញវះកាត់ប្រព័ន្ធទឹកនោម
មន្ទីរពេទ្យរ៉ូយ៉ាល់ភ្នំពេញព្រះរាជាណាចក្រកម្ពុជា

និយមន័យទូទៅនៃជម្ងឺរាន់នោម គឺចង់សំដៅទៅលើសភាវៈដែលមិនអាចទប់ទឹកនោមបានរាល់ពេលមានការឈឺនោមម្តងៗ ជាលទ្ធផលធ្វើអោយមានការលិចនោមម្តងម្កាល។ មូលហេតុចម្បងនៃជម្ងឺនេះត្រូវបានគេ ចំនែកជា៣ប្រភេទធំៗ ៖

រោគវិទ្យានៃ ការរ៉ាន់នោម អាចត្រូវបានចាត់ថ្នាក់សម្រាប់ 3 មូលហេតុធំ។

  1. សាច់ដុំប្លោកនោមរំញោចលឿនពេក ប្លោកនោមប្រៀបដូចជា ម៉ូទ័របូមទឹក វាធ្វើតួនាទីកន្រ្តាក់នឹងច្របាច់ទឹកនោមអោយចេញមកខាងក្រៅរាងកាយ នៅពេលទឹកនោមពេញក្នុងប្លោកនោម។ ក្នុងសភាវៈធម្មតា នៅពេលដែលប្លោកនោមកន្រ្តាក់ឬច្របាច់វានឹងសាងអារម្មណ៍នៃការចង់ឈឺនោមកើតឡើង ពេលនោះហើយជាពេលដែលមនុស្សយើងមានអារម្មណ៍ចង់ទៅបត់ជើងតូច(នោម)ក្នុងបន្ទប់ទឹក ដោយគ្មានទទួលរងផលរំខានអ្វីទាំងអស់។ ប៉ុន្តែផ្ទុយទៅវិញ ក្នុងសភាវៈមួយដែលយើងបាត់បង់ការបញ្ជាលើប្លោកនោមរបស់យើង ដោយសារបញ្ហាសាច់ដុំប្លោកនោមមានដំណើរការខុសប្រក្រតី ពេលនោះហើយដែលយើងមិនអាច់ទប់បាន ហើយវាអាចនឹងលិចចេញមក មុនពេលដែលយើងទៅដល់ក្នុងបន្ទប់ទឹក។
  2. ភាពខ្សោយនៃការកន្ត្រាក់សាច់ដុំប្លោកនោម ជាទូទៅសាច់ដុំប្លោកនោម ស្រដៀងទៅនឹងប៉េងប៉ោងដែលអាចរីកនិងរួមបាន មុខងារមួយនេះអំណោយផលក្នុងការផ្ទុកទឹកនោមក្នុងប្លោកនោមអោយបានយូរ។ ក្នុងលក្ខខណ្ឌណាមួយដែលបង្ករអោយមានផលរំខានដល់ភាពរីកឬរួមនៃប្លោកនោមនេះ ទឹកនោមក្នុងប្លោកនោមវានឹងព្យាយាមរត់រកកន្លែងចេញ ដែលជាធម្មតាគឺមានតែផ្លូវបង្ហូរចេញពីប្លោកនោមួយគត់ ដែលយើងហៅថាបង្ហួរនោមនេះឯង។
  3. ប្រព័ន្ធសរសៃប្រសាទប្លោកនោមដែលមានការបញ្ជាលឿន ករណីនៃជម្ងឺរាន់នោមនេះ ពេលខ្លះកើតឡើងដោយសារប្រព័ន្ធសរសៃប្រសាទប្លោកនោមឆ្លើយតបលឿនឬបញ្ជាលឿនពេក ដូច្នេះហើយទើបយើងជួបប្រទះជាមួយនឹងការលិចនោម មុនពេលដែលយើងទៅដល់ក្នុងបន្ទប់ទឹក។

ជម្ងឺរាន់នោមត្រូវបានរាយការណ៍មកថាជាជម្ងឺដ៏សាមញ្ញទី២ ក្នុងចង្កោមជម្ងឺប្រព័ន្ធទឹកនោមបន្ទាប់ពីជម្ងឺមួយទៀតដែលយើងហៅថា ជម្ងឺទប់នោមមិនបាន stress incontinence ។ មានការអះអាងថា ពាក់ព័ន្ធទៅនឹងកំនើននៃអាយុ aging ភាពធាត់នៃរាងកាយ obesity គឺជាកត្តានាំមុខទៅកាន់ជម្ងឺរាន់នោមនេះ ប៉ុន្តែអ្វីដែលគួរអោយភ្ញាក់ផ្អើលបំផុតនោះគឺថាជម្ងឺរាន់នោមនេះភាគច្រើនតែងកើតលើបុរស។

ជម្ងឺរាន់នោម ការលិចនោមមុនទៅដល់បន្ទប់ទឹក
ភាពចាស់គឺជាកត្តាមួយដែលពាក់ព័ន្ធនឹង UI ។

នៅពេលដែលអ្នកជម្ងឺមកដល់បន្ទប់ព្យាបាលរបស់ខ្ញុំ ការសាកសួរនូវប្រវត្តិជម្ងឺក៏ដូចជាការពិនិត្យរាងកាយ ព្រមទាំងតេស្តដ៏សំខាន់ផ្សេងទៀតនឹងត្រូវណែនាំ ដើម្បីធ្វើរោគវិនិច្ឆ័យ។ មគ្គុទេសណែនាំរបស់សមាគមជម្ងឺប្រព័ន្ធទឹកនោមសហរដ្ឋអាមេរិក បានចំានាត់ថ្នាក់ការព្យាបាលជម្ងឺនេះចេញជាបីកម្រិតផ្សេងៗគ្នា។

  1. ព្យាបាលដោយកែប្រែទម្លាប់ ៖
    • ហ្វឹកហាត់ប្លោកនោមដោយការកំនត់ម៉ោងចូលបន្ទប់ទឹកអោយបានត្រឹមត្រូវ
    • កែទម្លាប់ការបរិភោគអាហារ
    • កុំបរិភោគសារជាតិណាដែលងាយរំញោចប្លោកនោម ដូចជាកាហ្វេអ៊ីនឬបារី
    • ហ្វឹកហាត់សាច់ដុំអាងត្រគៀកអោយបានរឹងមុំា
ជាតិកាហ្វេអ៊ីន
ជៀសវាងជាតិកាហ្វេអ៊ីនអាចធ្វើអោយ UI ប្រសើរឡើង។
  1. ការប្រើប្រាសឳសថ
    • ពពួកភ្នាក់ងារប្រឆាំងការរំញោច Antimuscarinic agents
    • ពពួកបេតា៣ Beta-3 agonists
  2. ការចាក់ថ្នាំប្រភេទ បូទូលីនាម ថុកស៊ីន botulinum toxin injection
    • សារធាតុ ថុកស៊ីន នឹងធ្វើអោយជាលិកាសាច់ដុំប្លោកនោមស្ពឹក ហើយវាមានប្រសិទ្ធិភាពជួយអោយការរំញោចយឺតជាងមុន ដែលជារឿងល្អសម្រាប់ជម្ងឺរាន់នោម។
    • ប្រសិនបើអាការៈល្អប្រសើរ យើងនឹងបន្តការចាក់ថ្នាំរៀងរាល់៦ខែម្តងតាមតម្រូវការជាក់ស្តែង។
ថ្នាំ Botox
ការចាក់ថ្នាំ Botox Endoscopic មានតួនាទីក្នុងការព្យាបាល UI ។

ចូរចងចាំថា លទ្ធផលនៃការប្រែប្រួលនៃជម្ងឺរាន់នោមនេះមិនអាចប៉ាន់ស្មានទុកជាមុនឡើយ នេះហើយជាហេតុផលដែលវេជ្ជបណ្ឌិតជម្ងឺប្រព័ន្ធទឹកនោមតែងតែចង់ជួបជជែកជាមួយអ្នកជម្ងឺផ្ទាល់ដើម្បីកំនត់គោលដៅនៃការព្យាបាលអោយបានច្បាស់លាល់។ ប្រសិនបើលោកអ្នកមានសំនួរ ឬលោកអ្នកត្រូវការពិភាក្សាផ្ទាល់ក្នុងរឿងនេះ សូមលោកអ្នកស្វែងរកវេជ្ជបណ្ឌិតឯកទេសប្រព័ន្ធទឹកនោមដើម្បីពិភាក្សាជាមួយ ម្យ៉ាងវិញទៀតលោកអ្នកក៏អាចជជែកជាមួយខ្ញុំចំពោះបញ្ហាខាងលើបានដូចគ្នាផងដែរ។ ជួបគ្នាក្នុងប្រធានបទជម្ងឺប្រព័ន្ធទឹកនោមផ្សេងៗទៀតក្នុងពេលខាងមុខ។

ទឹកនោម
Urologist គឺជាអ្នកឯកទេសដែលថែរក្សា UI ។
ឥតគិតថ្លៃ ១
ឥតគិតថ្លៃ ២
WeChat
WhatsApp BW ៣
Telegram ចុងក្រោយ
ជួរ

ប្រធានបទនៅលើ អ៊ប៉សស្ត្រី

ការបញ្ចេញទឹករំអិលខុសប្រក្រតីរបស់ស្ត្រី៖ ជំងឺប្លោកនោមមិនដំណើរការ

ការបត់ជើងតូច(នោម)ដែលខុសប្រក្រតីចពោះស្ត្រី ឬជម្ងឺខុសប្រក្រតីនៃប្លោកនោម

បន្ទាប់ពីអនុវត្ត urology អស់រយៈពេល 5 ឆ្នាំនៅក្នុងប្រទេសកម្ពុជា បញ្ហានោមខុសធម្មតារបស់ស្ត្រីកំពុងកើតមានកាន់តែច្រើនឡើងៗនៅក្នុងគ្លីនិក urology ស្ត្រីរបស់ខ្ញុំ។ ថ្ងៃនេះយើងនឹងពិភាក្សាអំពីជំងឺ "ប្លោកនោមមិនដំណើរការ" ចំពោះស្ត្រី។ ជាធម្មតា មុខងាររបស់ប្លោកនោមគឺរក្សាទុកទឹកនោម និងច្របាច់ទឹកនោមទាំងអស់ចេញនៅពេលយើងបត់ជើងតូច ប៉ុន្តែជំងឺប្រភេទនេះអានបន្ត “Female abnormal voiding: Underactive bladder disease“

ប្រធានបទ AUR ស្រី

ជម្ងឺនោមមិនចេញឬស្ទះនោមចំពោះស្រ្តី

ដំបូងខ្ញុំត្រូវតែនិយាយថាការនោមទាស់របស់ស្ត្រីគឺជាស្ថានភាពកម្រមួយប្រសិនបើយើងប្រៀបធៀបទៅនឹងភេទរបស់បុរស។ មានអក្សរសិល្ប៍មួយដែលបង្ហាញថាអត្រានៃការកើតឡើងរវាងស្ត្រីនិងបុរសមានកម្រិតទាបរហូតដល់ ១:១៣ ។ ការពន្យល់គឺថាស្ត្រីមិនមានក្រពេញប្រូស្តាតដែលអាចរាំងស្ទះដល់បង្ហួរនោមនៅពេលណាអានបន្ត “Acute Urinary retention (AUR) in Female“

ប្រធានបទឆ្លងកាត់

ការរក្សាទឹកនោមបណ្តោះអាសន្ន៖ ការគ្រប់គ្រង

ការនោមទាស់គឺជាការត្អូញត្អែរជាទូទៅនៅការិយាល័យទឹកនោមរបស់ខ្ញុំ។ ការរក្សាទឹកនោមត្រូវបានកំណត់ថាជាការរក្សាទឹកនោមស្រួចស្រាវប៉ះពាល់ដល់មនុស្សរាប់លាននាក់នៅទូទាំងពិភពលោកជាមួយនឹងអត្រាប្រេវ៉ាឡង់កើនឡើងចំពោះមនុស្សចាស់។ អ្នកជំងឺទំនងជាគួរឱ្យភ័យខ្លាចជាមួយនឹងវគ្គដំបូងរបស់ពួកគេហើយព្យាយាមស្វែងរកវិជ្ជាជីវៈវេជ្ជសាស្ត្រសម្រាប់ការព្យាបាលជាក់លាក់។ ល្អអានបន្ត “Transient Urinary Retention: Management“

កំពុងផ្ទុក …

មាន​អ្វីមួយ​មិន​ប្រក្រតី។ សូមផ្ទុកទំព័រឡើងវិញនិង / ឬព្យាយាមម្តងទៀត។

គំនិតមួយលើ“ Urge incontinence (UI): Urine leaking before getting to toilet

ទុកឱ្យការឆ្លើយតប

kmភាសាខ្មែរ
អ្នកសរសេរប្លុក %d ដូចនេះ៖