ខ្នួចសរសែឈាមនៅក្នុងពងស្វាស

• Facebook
• Instagram
• ប្លក, រូបភាព
• Telegram
• WhatsApp
• LinkedIn
• សំបុត្រ

ខ្នួចសរសៃឈាមនៅក្នុងពងស្វាសក៏ជាបញ្ហាដោយឡែកមួយទៀតដែលជំរុញអោយអ្នកជម្ងឺត្រូវមកជួបខ្ញុំផងដែរ។ ខ្នួចសរសៃឈាមត្រូវបានគេចាត់ទុកជាបញ្ហាខុសប្រក្រតីមួយនៃការីកសរសៃឈាមខ្មៅដែលកើតមានឡើងនៅលើថង់ស្រោបពងស្វាសុ។ ការកួចសរសៃឈាមនេះបានបង្ករអោយកម្រិតអ៊ុកស៊ីសែននៅក្នុងឈាមដែលរត់មកដល់ពងស្វាសមានកម្រិតទាប។ ខ្នួចសរសៃឈាមនៅក្នុងពងស្វាសនេះស្តាប់ទៅវាស្រដៀងនឹងជម្ងឺខ្នួចសរសៃឈាមដែលកើតឡើងនៅលើកំភួនអីចឹងដែរ។ ហើយជម្ងឺខ្នួចសរសៃឈាមនេះភាគច្រើនតែងកើតលើមនុស្សវ័យចំណាស់។

ជម្ងឺខ្នួចសរសៃឈាមត្រូវបានចំនាត់ថ្នាក់នៅក្នុងប្រភេទជម្ងឺស្ងៀមស្ងាត់មួយ ហើយយើងតែងតែសង្កេតឃើញអ្នកជម្ងឺប្រភេទនេះភាគច្រើនគាត់រត់រកការព្យាបាលនៅតាមគ្លីនិកព្យាបាលជម្ងឺអសមត្ថភាពនៃការបង្ករកំនើត។ វាត្រូវបានគេរាយការណ៍មកថា ជម្ងឺនេះមានអាត្រាគិតជាភាគរយចាប់ពី15%-20%កើតលើមនុស្សពេញវ័យ ហើយមានអាត្រាខ្ពស់ដល់ទៅ 40%កើតឡើងដល់អ្នកជម្ងឺរហូតធ្វើអោយពួកគាត់ជួបបញ្ហារឿងអសមត្ថភាពក្នុងការបង្ករកំនើតជាដើម។ មូលហេតុនៃជម្ងឺខ្នួចសរសៃឈាមពងស្វាសនេះត្រូវបានគេកត់ត្រាទុកនិងបង្ហាញដូចខាងក្រោមនេះ ៖

1. មើលតាមកាយវិភាគ- ពងស្វាសខាងឆ្វេងដែលមានខ្នួចសរសៃឈាម គឺមានទម្រង់ធំជាងពងស្វាសខាងស្តាំ។
2. វាបរាជ័យក្នុងការទប់ស្កាត់ឬបើកបិទសន្ទះធ្វើអោយមានការច្រានរុញឡើងទៅខាងលើដោយសារភាពមិនប្រក្រតីនៃសៃឈាមខ្មៅនោះឯង។

រោគសញ្ញានៃ Varicocele

1. មានការត្អូញត្អែររឿងអសមត្ថភាពក្នុងការបង្ករកំនើត៖
   • បញ្ហាគ្មានកូនកើតឡើងដោយសារការប្រមូលផ្តុំឈាមដែលមានអុកស៊ីសែនទាបហើយវាធ្វើឱ្យគុណភាពនិងបរិមាណមេជីវិតឈ្មោលថយចុះដោយសារស្ត្រេសអុកស៊ីតកម្មសម្ពាធសន្ទនីយស្តាទិចដោយផ្ទាល់និងសីតុណ្ហភាពកើនឡើងនៅលើពងស្វាស។
2. មានអារម្មណ៍មិនស្រណុកឬដូចជាធ្ងន់លើពងស្វាសមួយចំហៀង
   • ទម្រង់នេះហើយដែលវាបង្ករកត្តាអសមត្ថភាពក្នុងការបង្ករកំនើត ប្រព័ន្ធទទួលការឈឺចាប់នៅឯពងស្វាសនេះហើយដែលជាអ្នកបញ្ចេញអាការៈការឈឺឬភាពមិនស្រណុកសុខស្រួល នៅពេលដែលពងស្វាសត្រូវបានឋិតនៅក្នុងលក្ខខណ្ឌឬស្ថានភាពមិនសមស្របណាមួយនោះ។
3. មានអារម្មណ៍ថាក្នុងពងស្វាសមានចលនា(ដូចជាមានសត្វល្មូនលូនទៅលូនមក) អាការៈនេះច្រើនកើតឡើងនៅពេលងូតទឹក
   • ខ្នួចសរសៃឈាមពងស្វាសចែកចេញជា៣ប្រភេទ៖ ទី១-មានអារម្មណ៍ថាថង់ពងស្វាសដូចជាប៉ោងធំជាងធម្មតា ទី២-ឃើញច្បាស់នឹងភ្នែកថាពងស្វាសមានភាពធំមែន។ ការដែលយើងឃើញថាការធំកាន់តែខ្លាំង វាជាការវាស់ស្ទង់កម្រិតស្រាលឬធ្ងន់ក្នុងបញ្ហានេះឯង ហើយរឿងទាំងអស់នេះហើយដែលតម្រូវអ្នកជម្ងឺត្រូវប្រញ៉ាប់មកជួបគ្រូពេទ្យដើម្បីពិភាក្សាដោះស្រាយ។

ពេលដែលអ្នកជម្ងឺមកជួបខ្ញុំដើម្បីទទួលការព្យាបាលពាក់ព័ន្ធនឹងរឿងខ្នួចសរសៃឈាមពងស្វាសនេះ ការសាកសួរប្រវត្តិនិងអាការៈជម្ងឺ គួបផ្សំជាមួយការពិនិត្យលើពងស្វាសហើយនឹងការធ្វើអេកូសាស្រ្តប្រភេទស្វែងរកសរសៃឈាមកួច doppler ultrasound និងត្រូវធ្វើបញ្ជាក់។ ប្រសិនបើមានការចំបាច់ណាមួយសម្រាប់ការព្យាបាល ដូចជាកវះកាត់កែតម្រូវសម្រាប់បញ្ហាខ្នួចសរសៃនេះ លក្ខខណ្ឌដែលត្រូវដឹងពីរយ៉ាងនឹងត្រូវជម្រាប៖

• ការវិភាគទឹកកាមដែលបង្ហាញភាពខុសប្រក្រតី
• ការឈឺចាប់ដែលបណ្តាលមកពីជម្ងឺខ្នួចសរសៃឈាមពងស្វាសនេះ

វិធីដ៏សំខាន់បំផុតសម្រាប់ការព្យាបាលគឺអ្នកជម្ងឺជាអ្នកសម្រេចចិត្ត ព្រោះការវះកាត់ខ្នួចសរសៃឈាមពងស្វាសនេះផលទទួលបានមិនមែន 100% ដែលយើងត្រូវធានាជូនថានឹងសម្រេចជោគជ័យនោះទេ។ ប្រសិនបើលោកអ្នកមានសំនួរឬលោកអ្នកមានបញ្ហាជម្ងឺខ្នួចសរសៃឈាមពងស្វាសនេះ សូមលោកអ្នកស្វែងវេជ្ជបណ្ឌិតដែលមានជំនាញក្នុងរឿងនេះ។ សូមអរគុណ!