ការទប់នោមមិនជាប់ តាមទ្រឹស្តីទូទៅ

• Facebook
• Instagram
• ប្លក, រូបភាព
• Telegram
• WhatsApp
• LinkedIn
• សំបុត្រ

ការទប់នោមមិនជាប់ឬការលិចនោមជាប្រធានបទមួយដែលយើងនឹងលើកយកមកនិយាយគ្នាក្នុងថ្ងៃនេះ។ ខ្ញុំចង់បញ្ជាក់ប្រាប់លោកអ្នកថាជម្ងឺនេះមិនបានគំរាមកំហែងដល់អាយុជីវិតរបស់យើងឡើយ វាគ្រាន់បង្ករភាពធុញទ្រាន់និងកាត់បន្ថយកម្រិតគុណភាពនៃការរស់នៅប្រចាំថ្ងៃរបស់យើងមួយកម្រិតតែប៉ុណ្ណោះ។ ជម្ងឺមួយនេះពេលខ្លះវាបានបង្ករភាពខ្មាសអៀនដល់អ្នកដែលទទួលរង ហើយជាពិសេសជម្ងឺនេះភាគច្រើនបានកើតលើមនុស្សវ័យចំណាស់។ ការដំណើរទៅមុខឬការវិវឌ្ឍន៍នៃជម្ងឺនេះមិនមានការរាយការណ៍ឬជារបាយការណ៍ណាមួយជាក់លាក់នោះទេ គេគ្រាន់តែដឹងត្រួសៗថាប្រហែលជាមានអ្នកកើតជម្ងឺនេះច្រើនជាង 400លាននាក់ជាចំនួនសរុបនៅក្នុងពិភពលោកយើងនេះ។ យើងបានឃើញដូចគ្នាដែរថាភាគច្រើនជាស្រ្តីពួកគាត់តែងតែកើតឬទទួលរងអាការៈជម្ងឺនេះជាទូទៅក៏ប្រហែលជា២ដងដែរក្នុងមួយឆ្នាំៗ។

រោគវិទ្យានៃ ការនោមទាស់ អាចប្រែប្រួលតាមភេទ

• កត្តាប្រឈមសម្រាប់ស្រ្តី
  1. មានប្រវត្តិធ្លាប់មានគភ៌
  2. មានកូនច្រើននាក់
  3. មានជម្ងឺទឹកនោមផ្អែម
  4. មានជម្ងឺធាត់

• កត្តាប្រឈមសម្រាប់បុរស
  1. មានប្រវត្តិធ្លាប់វះកាត់ក្រពេញប្រូស្តាត

មានកត្តាធំៗចំនួន៤នៃជម្ងឺទប់នោមមិនជាប់ឬជម្ងឺលិចនោមនេះ

1. ទទួលរងសម្ពាធខ្លាំងឬទទួលរងភាពតានតឹងខ្លាំង
   • ការលេចធ្លាយទឹកនោមមានសភាពធ្ងន់ធ្ងរដោយការកើនឡើងនៃសម្ពាធក្នុងពោះឧទាហរណ៍ក្អកកណ្តាស់ឬហៀរសំបោរ។
   • ភាគច្រើនកើតឡើងចំពោះស្រ្តី
   • ច្រើនតែកើតលើស្រ្តីដែលមានវ័យចាប់ពីអាយុ 30ឡើង
2. ការរ៉ាន់នោម
   • លិចនោមជាមួយរ៉ាន់នោម ឧទហរណ៍៖ ភ្លាមៗនោះអ្នកស្រាប់តែមានការរ៉ាន់នោមតែម្តង ហើយលោកអ្នកមិនអាច់ទ្រាំឬទប់វាក្នុងពេលដែលលោកអ្នកកំពុងដើរទៅបន្ទប់ទឹក។
   • បុរសវ័យចំណាស់ក៏ឧស្សាហ៍កើតដែរ
   • រហូតដល់ 42%កើតលើបុរសអាយុចាប់ពី 75ឆ្នាំឡើងទៅ

3. ការរួមបញ្ចូលជាមួយអាការៈផ្សេងៗទៀតដែលធ្វើអោយទប់នោមមិនបាន
   • លិចនោមដែលបណ្តាលមកពីកត្តាជម្រុញផ្សេងទៀតដូចជា ភាពតានតឹង និងការប្រឹងទប់។
4. ទុកអោយទឹកនោមកើនឡើងហួសកំនត់
   • លិចនោមដោយសារប្លោកនោមផ្ទុកទឹកនោមលើសកម្រិត
   • ប្រព័ន្ធប្រសាទទាក់ទងនឹងការបញ្ជារបានទទួលរងការខូចខាត ដូចជាអ្នកជម្ងឺមានជម្ងឺទឹកនោមផ្អែម ទទួលរងភាពខូចខាតលើខួរឆ្អឹងខ្នងជាដើម។
   • មានការខ្ទប់ឬបិទនៅក្នុងបង្ហួរនោមដូចជា៖ ជម្ងឺក្រពេញប្រូស្តាតរីកធំ,ជម្ងឺដុំសាច់ក្នុងឆ្អឹងអាងត្រគៀក។

នៅពេលអ្នកជម្ងឺមកជជែកពិភាក្សាជាមួយខ្ញុំអំពីបញ្ហានេះ ខ្ញុំតែងតែចាប់ផ្តើមសាកសួរប្រវត្តិដ៏ប្រុងប្រយ័ត្នបំផុតពីអ្នកជម្ងឺរួមផ្សំជាមួយការពិនិត្យរាងកាយយ៉ាងម៉ត់ចត់។ គ្រប់ប្រភេទនៃជម្ងឺទប់នោមមិនជាប់មានរបៀបការព្យាបាលដោយឡឺកនឹងខុសប្លែកពីគ្នា ដូច្នេះការសាកសួរពីអាការៈជម្ងឺរបស់អ្នកជម្ងឺម្នាក់ៗទើបមានសារៈសំខាន់ខ្លាំងណាស់មុននឹងផ្តល់ការព្យាបាលដល់ពួកគាត់។ ដូចខ្ញុំបានជម្រាប់ហើយថាជម្ងឺនេះវាគ្រាន់តែជាប្រភេទជម្ងឺមួយដែលបង្ករភាពរំខានដល់គុណភាពការរស់នៅប្រចាំថ្ងៃរបស់យើងតែប៉ុណ្ណោះ ម្លោះហើយប្រសិនលោកអ្នកជួបបញ្ហារឿងនេះសូមមេត្តាស្វែងរកការពិភាក្សាជាមួយគ្រូពេទ្យដែលមានជំនាញច្បាស់លាស់។ សូមអរគុណ!

សំណួរណាមួយអ្នកអាចមានអារម្មណ៍សេរីដើម្បីពិភាក្សាជាមួយ ខ្ញុំ.