ការកាត់បន្ថយភាពប្រឈមនៃជម្ងឺមហារីកក្រពេញប្រូស្តាត ដោយការបញ្ចេញទឹកកាមអោយបានញឹកញាប់

• Facebook
• Instagram
• ប្លក, រូបភាព
• Telegram
• WhatsApp
• LinkedIn
• សំបុត្រ

ជម្ងឺមហារីកក្រពេញប្រូស្តាតត្រូវបានរាយការណ៍ថាជាជម្ងឺមហារីកដែលច្រើនកើតលើបុរសទូទៅនៅក្នុងពិភពលោកយើងនេះ ប្រហែលជាង១លានករណីថ្មីដែលបានវិនិច្ឆ័យថាមានជម្ងឺមហារីកក្រពេញប្រូស្តាតហើយបានបាត់បង់ជីវិតដោយសារជម្ងឺនេះ។ ជាសំណាងល្អដែលជម្ងឺមហារីកមួយនេះស្ថិតនៅក្នុងចំណាត់ថ្នាក់ជម្ងឺមហារីកដែលមិនសូវកាចហើយមានការវិវឌ្ឍន៍យឺតយាវ។ ការធ្វើតេសត្តរកមេរោគនៅក្នុងក្រពេញប្រូស្តាតឬដែលយើងតែងតែហៅឈ្មោះជាភាសាអង់គ្លសេថា Prostate-specific antigen (PSA) វាគឺជាអាវុធតេសត្តដ៏សំខាន់មួយដែលគ្រូពេទ្យប្រើវានៅក្នុងការតាមដាននឹងស្វែងរកជម្ងឺមហារីកដែលប្រៀបដូចជាឃាតករឈាមត្រជាក់អីចឹង។ ដែលយើងហៅវាថាឃាតករឈាមត្រជាក់នេះគឺដោយសារវាមិនបញ្ចេញសញ្ញាអ្វីអោយយើងដឹងសោះ លុះពេលយើងដឹងគឺវាបានឈានចូលដំណាក់កាលចុងក្រោយទៅហើយ។ 

មានសំនួរដ៏គួរអោយចាប់អារម្មណ៍ជាច្រើនបានសួរមកថា ៖ តើយើងមានវិធានការពារឬបង្ការសម្រាប់បញ្ហាជម្ងឺមហារីកក្រពេញប្រូស្តាតនេះដែរទេ? ពេលដែលខ្ញុំធ្វើការស្រាវជ្រាវបន្ថែមលើបញ្ហាមួយនេះ ខ្ញុំបានរកឃើញហេតុផលម្យ៉ាងដែលអាចជួយកាត់បន្ថយការប្រឈមលើជម្ងឺនេះបាន ដោយមិនពឹងផ្អែកលើការប្រើប្រាសថ្នាំសង្កូវឬការផ្លាស់ប្តូរទម្លាប់ការរស់នៅអ្វីឡើយ។ វាប្រហែលជាតម្រូវអោយលោកអ្នកផ្តោតអារម្មណ៍តែទៅលើរឿងការកែតម្រូវបញ្ហាសភាវៈផ្លូវភេទតែប៉ុណ្ណោះ។ ត្រង់នេះ ខ្ញុំចង់មានន័យថាលោកអ្នកត្រូវតែចាប់អារម្មណ៍ថាក្នុងរយៈពេលមួយខែៗលោកអ្នកមានការបញ្ចេញទឹកកាមប៉ុន្មានដងដែរ។

ការសិក្សាដ៏ធំមួយនៅសហរដ្ឋអាមរិកបានបោះពុម្ពជាសាធារណៈក្នុងឆ្នាំ 2016 បានសិក្សាផ្តោតតែទៅលើចំនួនញឹកញាប់នៃការបញ្ចេញទឹកកាមដែលវាពាក់ព័ន្ធក្នុងរឿងកាត់បន្ថយការប្រឈមជម្ងឺមហារីកក្រពេញប្រូស្តាតនេះ។ មានប៉ាន់គំរូអ្នករួមភេទជ្រើសរើសយកមកសិក្សាចំនួន 32,000គូដែលពួកគាត់សកម្មក្នុងការរួមភេទ ហើយពួកគាត់មានអាយុចន្លោះពី 29-49ឆ្នាំ ចំនែកឯមួយក្រុមទៀតមានអាយុ 18ឆ្នាំឡើងទៅ ការសិក្សាលើរឿងនេះត្រូវបានបង្ហាញនូវចំនាប់អារម្មណ៍ដូចខាងក្រោមនេះ ៖

ព័ត៌មានគួរឱ្យចាប់អារម្មណ៍សម្រាប់ការការពារជំងឺមហារីកក្រពេញប្រូស្តាត។

• ពី 8-12ដងនៃការបញ្ចេញទឹកកាមក្នុង១ខែៗ - មានន័យថាមានការបញ្ចេញទឹកកាមញឹកញាប់ក្នុងចំនោមមនុស្សទូទៅផ្សេងទៀត។
• មានការបញ្ចេញទឹកកាមអោយបានញឹកញយនឹងទទួលបានការបង្ការនិងការពារលើបញ្ហាជម្ងឺមហារីកក្រពេញប្រូស្តាតនេះ។
• ច្រើនជាង21ដងនៃការបញ្ចេញទឹកកាមក្នុងមួយខែៗ នឹងទទួលបានអត្ថប្រយោជន៍យ៉ាងល្អក្នុងការទប់ស្កាត់ជម្ងឺមហារីក្រពេញប្រូស្តាត។
• អត្ថប្រយោជន៍ខាងលើគឺនិយាយតែចំពោះប្រភេទមហារីកក្រពេញប្រូស្តាតដែលស្ថិតនៅក្នុងកម្រិតទាបនិងមធ្យមនិងមិនកាចតែប៉ុណ្ណោះ។

យើងមើលឃើញច្បាស់តាមរយៈរបាយការណ៍ការសិក្សាថា ការបញ្ចេញទឹកកាមអោយបានកាន់តែញឹកញាប់តាមដែលយើងអាចធ្វើបាន នោះយើងនឹងទទួលបានអត្ថប្រយោជន៍កាន់តែច្រើនក្នុងបញ្ហាការកាត់បន្ថយការប្រឈមជម្ងឺមហារីកក្រពេញប្រូស្តាតនេះ។ រឿនេះមិនមែនជារឿងដែលយកមកនិយាយចំអកលេងសើចនោះទេ វាជាការសិក្សាដ៏ច្បាស់លាស់មួយលើបញ្ហានេះ ហើយម្យ៉ាងវិញទៀតប្រសិនបើលោកអ្នកអាចធ្វើបានចំពោះទម្លាប់មួយនេះ វាពិតជារឿងល្អមួយដែលលោកអ្នកអាចទប់ស្កាត់ក៏ដូចជាព្យាបាលនូវជម្ងឺដ៏គួរអោយភ័យខ្លាចមួយនេះដោយខ្លួនលោកអ្នកផងដែរ។ ជាក់ស្តែងលោកអ្នកពិតជាបានចំនិញនិងសន្សំសំចៃប្រាក់កាសដែលលោកអ្នកត្រូវចំណាយលើថ្នាំសង្កូវ និងលោកអ្នកពុំសូវទទួលរងលើបញ្ហាផ្លូវចិត្តនៃជម្ងឺនេះឡើយ។ សូមអោយលោកចៀសផុតពីជម្ងឺមួយនេះ នឹងសូមជូនពរអោយមានសុខភាពល្អតរៀងទៅ។ សូមអរគុណ!

សំណួរណាមួយអ្នកអាចមានអារម្មណ៍សេរីដើម្បីពិភាក្សាជាមួយ ខ្ញុំ.