តើខ្ញុំគួរតែធ្វើតេស្ត៍ពិនិត្យមុខងារក្រពេញប្រូស្តាតរបស់ខ្ញុំដែរឬទេ (PSA screening test) ?

• Facebook
• Instagram
• ប្លក, រូបភាព
• Telegram
• WhatsApp
• LinkedIn
• សំបុត្រ

ខ្ញុំត្រូវបានគេអនុវត្តនៅក្នុងការិយាល័យយូរីយូរហូតមកដល់ពេលនេះ។ ការពិគ្រោះយោបល់សាមញ្ញពីមន្ទីរដទៃទៀតគឺអំពីសេចក្តីយោងនៃតម្លៃ PSA សរុបពីការធ្វើតេស្តបញ្ចាំងដែលត្រូវបានគេចាត់ទុកជា ៤០ ng / ml ជាឯកសារយោងធម្មតា។ បញ្ហាប្រភេទនេះបានធ្វើឱ្យអ្នកជំងឺទទួលរងនូវផលប៉ះពាល់ជាច្រើនជាពិសេសគ្រោះថ្នាក់ខាងផ្លូវចិត្តហើយខ្ញុំបានចំណាយពេលវេលាជាច្រើនដើម្បីពន្យល់ពួកគេអំពីអ្វីដែលជាបញ្ហាធំ? ខ្ញុំសូមធ្វើបច្ចុប្បន្នភាពបុរសអ្នកលើកម្មវិធីបញ្ចាំង PSA ។

ប្រសិនបើយើងដាក់សំនួរសួរថា “តើការធ្វើតេស្ត៍រកជម្ងឺមហារីកមួយណាដែលយើងគួរតែធ្វើ?” ចម្លើយគឺពិតជាផ្តោតទៅលើការធ្វើតេស្ត៍ពិនិត្យរកជម្ងឺ “មហារីកមាត់ស្បូន“ ជាមិនខាន! ចុះចំណែកការធ្វើតេស្ត៍ពិនិត្យរកជម្ងឺមហារីកក្រពេញប្រូស្តាតបុរសវិញ តើយើងគួរតែធ្វើតេស្ត៍ពិនិត្យដែរឬទេ? ចម្លើយគឺ ប្រហែល “មិនចាំបាច់” នោះទេ។ ហេតុអ្វីបានជាមិនចាំបាច់? ខ្ញុំនឹងស្រាយបំភ្លឺជូនលោកអ្នកដូចតទៅ!

នៅក្នុងឆ្នាំ ២០១៨ មានសារានុក្រមដ៏ល្បីមួយរបស់សហរដ្ឋអាមេរិក បានសិក្សាទៅលើការធ្វើតេស្ត៍ពិនិត្យមុខងារក្រពេញប្រូស្តាតថែមទាំងមានការណែនាំបញ្ជាក់ថាគ្មានតម្រូវការណាមួយដែលកំនត់អោយបុរសគ្រប់រូបនាំគ្នាទៅធ្វើតេស្ត៍ពិនិត្យមុខងារក្រពេញប្រូស្តាតឡើយ។ ប្រសិនបើលោកអ្នកចង់ធ្វើតេសត្ត៍ពិនិត្យនោះ អត្ថប្រយោជន៍ដែលនឹងទទួលបានគឺតិចតួចបំផុតជាពិសេសសម្រាប់ក្រុមបុរសដែលមានអាយុចាប់ពី ៥៥-៦៩ឆ្នាំ។ ភ្ញាក់ផ្អើលមែនទេ? ខ្ញុំនឹងនិយាយបន្ថែមបន្តទៅទៀតពាក់ព័ន្ធនឹងរឿងនេះទាំងមូល។

PSA គឺជាអ្វី?

PSA គឺជាឈ្មោះតេស្ត៍ជាភាសាអង់គ្លេស ដែលអក្សរពេញគឺ “Prostate Specific Antigen” វាគឺជាប្រភេទអង់ហ្សីមមួយដែលបានផលិតផ្ទាល់នៅក្នុងក្រពេញប្រូស្តាត។ តួនាទីអង់ហ្សីមមួយនេះគឺសម្រាប់រំលាយសារធាតុអសុច្ចិដែលមានភាពខាប់បន្ទាប់ពីការបាញ់បញ្ចេញ។ PSA គឺសំបូរនៅក្នុងជាលិកានៃក្រពេញប្រូស្តាត ហើយវាមានកំរិតទាបនៅក្នុងលំហូរឈាម ដូច្នេះមានន័យថាគ្រប់ស្ថានភាពដែលមានការដាច់រហែកនៃជាលិកាក្រពេញប្រូស្តាត អង់ហ្សីមនេះនឹងចូលទៅក្នុងសេរ៉ូម ហើយវានឹងត្រូវចាប់បានដោយការពិនិត្យធ្វើតេស្ត៍តាមរយះឈាមនៃមុខងារ PSA ក្រពេញប្រូស្តាតនេះ។ ឧទាហរណ៍នៅពេលដែលក្រពេញប្រូស្តាតមួយនេះមានសាច់ដុះរំពីលើវានឹងបង្ករអោយមានការរលាកនឹងរីកធំបាន ហើយការរលាកនេះក៏អាចជម្រុញអោយការធ្វើតេស្ត៍មានការកើនឡើងនៃតម្លៃរលាកបានផងដែរ ការកើនឡើងនៃតម្លៃរលាកនេះតាមភាសាបច្ចេទេសគេអោយឈ្មោះវាថា “False-positive” test ។

ឥឡូវយើងត្រឡប់មកនិយាយបន្តពាក់ព័ន្ធជាមួយឯកសារដ៏ល្បីល្បាញរបស់សហរដ្ឋអាមេរិកវិញ។ គោលបំណងនៃការពិនិត្យរកជម្ងឺមហារីកក្រពេញប្រូស្តាត វាគ្រាន់តែជាការស្វែងរកនូវការប្រឈមមុខដែលមានភាគរយខ្ពស់សម្រាប់ការបែងខ្លួននៃជម្ងឺមហារីកទៅកាន់កន្លែងណាមួយដែលយើងអាចកំនត់ការព្យាបាលអោយបានជោគជ័យតែប៉ុណ្ណោះ។ សួរទៅវិញថា ហេតុអ្វីបានជាយើងមិនខ្វល់ខ្វាយចំពោះការប្រឈមមុខជាភាគរយតិចនៃជម្ងឺមហារីក? ចម្លើយគឺ សាមញ្ញបំផុត! ជាការពិតបុរសភាគច្រើនបានស្លាប់ដោយមូលហេតុនៃជម្ងឺផ្សេងៗទៀតជាច្រើនដែលជាដើមហេតុនៃការស្លាប់ មុនទៅនឹងជម្ងឺមហារីកមួយនេះបានជះឥទ្ធិពលទៅសម្លាប់ពួកគាត់ទៅទៀត។ ជម្ងឺមហារីកក្រពេញប្រូស្តាតភាគច្រើនមិនសូវជាបង្ហាញសញ្ញាឬអាការអ្វីច្បាស់លាស់នោះទេ ការធ្វើកោសល្យវិច្ច័យទៅលើសាកសព្វបានបង្ហាញអោយឃើញថា ជាង៣៣ភាគរយនៃបុរសដែលស្លាប់ដោយជម្ងឺផ្សេងៗគឺមានជម្ងឺមហារីកក្រពេញប្រូស្តាតបង្កប់នៅខាងក្នុងនៃការសា្លប់នេះស្រាប់ទៅហើយ។ ប្រសិនបើយើងផ្ចង់ទៅលើការប្រឈមមុខដែលមានភាគរយខ្ពស់សម្រាប់ជម្ងឺមហារីកក្រពេញប្រូស្តាតផ្ទាល់ វាអាចមានភាពវិជ្ជមានត្រឹមតែចំនួន១នៅក្នុង១០០០នៃការធ្វើតេស្ត៍ពិនិត្យរកបុរសដែលអាចកើតជម្ងឺមហារីកក្រពេញប្រូស្តាតតែប៉ុណ្ណោះ។ ហើយប្រសិនបើយើងធ្វើតេស្ត៍ពិនិត្យទៅលើក្រុមបុរសដែលមានអាយុចាប់ពី៧០ឡើងទៅនោះ គឺពុំមានអត្ថប្រយោជន៍អ្វីបន្តិច ឡើយ។

ភាពឈឺចាប់ឬការរំខានដ៏ធំមហិមាសម្រាប់ការធ្វើតេស្ត៍ទៅលើមុខងារ PSA ក្រពេញប្រូស្តាតនោះបានចាប់ផ្តើមឡើងនៅពេលដែលលទ្ធផលនៃការធ្វើតេស្ត៍បានបង្ហាញថា “False-positive” ។ បញ្ហាទីមួយគឺវាធ្វើអោយយើងប៉ះពាល់អារម្មណ៍ឬផ្លូវចិត្តជាសំខាន់ ទីពីរគឺវាបានបង្ករភាពស្មុគស្មាញនិងការឈឺចាប់ដល់យើងប្រសិនបើមានការកោសឬច្រិបយកសាច់នៃក្រពេញប្រូស្តាតទៅពិនិត្យ ។ ភាពឈឺចាប់ទាំងនោះមានដូចជា៖ មានឈាមលាយជាមួយទឹកនោមពេលយើងបត់ជើងតូច ឬពេលយើងបាញ់បញ្ចេញសារធាតុរាវដទៃទៀត អាចងាយនឹងបង្ករការចម្លងមេរោគផ្សេងៗ ទៀតនេះមិនទាន់បូករួមជាមួយនឹងការព្យាបាលដោយប្រើវិធីការវះកាត់ពាក់ព័ន្ធនឹងបញ្ហាមួយចំនួនដូចជា៖ អសមត្ថភាពផ្លូវភេទ ឬការបត់ជើងតូចដែលគ្មានលទ្ធភាពនឹងទប់ជាដើម។

ដូច្នេះតើយើងគួរធ្វើអ្វី? ប្រសិនបើអ្នកជាមនុស្សប្រុសហើយក្នុងក្រុមអាយុ ៥៥ - ៦៩ ឆ្នាំអ្នកគួរតែពិភាក្សាជាមួយគ្រូពេទ្យបឋមហើយធ្វើការសម្រេចចិត្តជាមួយគ្នាជាមុន។ វាគឺជាជំរើសរបស់អ្នក! ប្រសិនបើអ្នកមានបញ្ហាឬអ្នកមានសំណួរសូមមកមើល ខ្ញុំ នៅការិយាល័យខ្ញុំ

ក្នុងករណីអ្នកមានកំរិតឈាម PSA ខ្ពស់អ្នកអាចទៅមើលនេះ តំណភ្ជាប់ សម្រាប់ព័ត៌មានបន្ថែម។