ភាវៈស្បែកចុងលឹង្គគាំងជាប់នឹងគន្លាក់ក្បាលលឹង្គ Paraphimosis

• Facebook
• Instagram
• ប្លក, រូបភាព
• Telegram
• WhatsApp
• LinkedIn
• សំបុត្រ

ភាវះស្បែកចុងលឹង្គគាំងជាប់នឹងគន្លាក់ក្បាលលឹង្គជាអាការៈនៃស្ថានភាពប្រញ៉ាប់មួយដែលតម្រូវអោយអ្នកជម្ងឺមកកាន់មន្ទីរពេទ្យ ជាញឹកញយខ្ញុំតែងតែបានជួបអ្នកជម្ងឺប្រភេទនេះនៅអាគារសង្រ្គោះបន្ទាន់។ Paraphimosis ជាស្ថានភាពមួយដែលស្បែកចុងលឹង្គគាំងជាប់នៅគន្លាក់ក្បាលលឹង្គ (ក្រពេញលឹង្គ)។ ស្ថានភាពមួយនេះជាញឹកញាប់វាបានកើតឡើងចំពោះបុរស។ ក្នុងប្រធានបទនេះយើងនឹងជជែកគ្នាលំអិតអំពីមូលហេតុនៃការកើត និងរបៀបនៃការដោះស្រាយលើបញ្ហាដែលកើតឡើង។

មូលេហតុ Paraphimosis

ស្ថានភាពស្បែកចុងលឹង្គជាប់គាំងនឹងក្បាលលឹង្គគឺកើតឡើងដោយសារខ្លួនយើងដែលជាអ្នកធ្វើ។ ស្ថានភាពនេះកើតឡើងដោយសារស្បែកលឹង្គដែលយើងទាញព្រលាត់ដើម្បីធ្វើអ្វីម្យ៉ាងវាមិនត្រឡប់ទៅវិញដោយវាជាប់គាំង ស្ថានភាពនេះឯងដែលយើងហៅអាការៈមួយនេះថា វាជាអាការៈដែលស្បែកចុងលឹង្គជាប់គាំងនៅគន្លាក់ក្បាលលឹង្គ ឬជាភាសាអង់គ្លេងយើងហៅថា Paraphimosis ។ ខាងក្រោមនេះជាសកម្មភាពដែលបង្ករអោយកើតមានភាវះស្បែកចុងលឹង្គជាប់គាំង ៖

• ការព្រលាត់ដើម្បីលាងសំអាត
• ការព្រលាត់ដោយចៃដន្យបន្ទាប់ពីមានសកម្មភាពផ្លូវភេទ
• ការព្រលាត់ដើម្បីសុងទុយ៉ូនោម
• ការព្រលាត់ដើម្បីពិនិត្យសភាពលឹង្គ
• ការព្រលាត់ដើម្បីអនុវត្តវិធានវេជ្ជសាស្ត្រផ្សេងលើបញ្ហាលឹង្គ

អាការៈ

ឈឺខ្លាំង ហើម ឬមានការរលាត់រលាកស្បែកចុងលឹង្គឬមួយដោយសារក្រពេញក្បាលលឹង្គមានភាពខុសប្រក្រតីដែលជាដើមហេតុ។ ការហើមគឺដោយសារស្បែកចុងលឹង្គវាជាប់គាំងនឹងមិនអាចទាញមកគ្របលើលឹង្គវិញបានធម្មតា កត្តានេះហើយដែលធ្វើអោយសរសៃឈាមនិងក្រពេញទឹកល្ងៃរាំងស្ទះលំហូរ។ ជាទូទៅវាមិនបានជះឥទ្ធិពលខ្លាំងទៅលើលំហូរឈាមនៅក្នុងសសៃឈាមក្រក្រហមប៉ុន្មាននោះទេ ប៉ុន្តែប្រសិនបើការគាំងជាប់អូសបន្លាយជាច្រើនថ្ងៃនោះវានឹងអាចធ្វើអោយលំហូរឈាមនៃសរសៃឈាមក្រហមមានបញ្ហានឹងអាចធ្វើអោយបាត់បង់ឬខូចដលើអណ្ឌៈ(ពងស្វាស)បានព្រោះខ្វះឈាមទៅចិញ្ចឹមយូរ។

ការជួយព្យាបាលក្នុងគ្រាបន្ទាន់

• ការគាំងជាប់ស្បែកចុងលឹង្គដែលមិនស្មុគស្មាញ អាចជួយសង្គ្រោះបានដោយការប្រើឧបករណ៍ទាញដោយ(ដៃ)ធម្មតា។ ដើម្បីបំបាត់ការឈឺចាប់ក្នុងពេលទាញអ្នកជម្ងឺម្នាក់ៗអាចជ្រើសរើសវិធីប្រើថ្នាំស្ពឹកឬថ្នាំសណ្តំបានតាមការចង់បានរៀងៗខ្លួន។
• ការគាំងជាប់ស្បែកចុងលឹង្គដែលស្មុគស្មាញ បញ្ហានេះនឹងត្រូវចាត់ទុកថាជាភាពស្មុគស្មាញនៅពេលដែលការជួយសង្រ្គោះដោយប្រើឧបករណ៍ទាញដោយដៃមិនអាចទទួលបានជោគជ័យ ម្យ៉ាងវិញទៀតដោយសាមានបញ្ហាការកើតឡើងលើក្រពេញចុងលឹង្គឬក្នុងបង្ហួរនោមបន្ថែមជាដើម។ ជម្រើសនៃការព្យាបាលនឹងបង្ហាញដូចខាងក្រោមនេះ ៖
  • នឹងត្រូវវះកាត់លើទីតាំងដែលស្បែកជាប់
  • ការសុងបញ្ចេញទឹកនោមក្នុងប្លោកនោមជាមួយនឹងឧបករណ៍វះកាត់នឹងធ្វើការដកចេញលើភ្នាស់សាច់ដែលខូចខាតមួយចំនួន។

ការដោះស្រាយដែលមានប្រសិទ្ធិភាព

សម្រាប់អ្នកជម្ងឺទាំងឡាយដែលមានប្រវត្តិជាប់គាំងស្បែកចុងលឹង្គនោះនឹងត្រូវណែនាំអោយធ្វើការច្រឹបសាច់ចុងលឹង្គចេញ ដើម្បីការពារអាត្រាការកើតឡើងវីញនៃការជាប់គាំងស្បែកចុងលឹង្គ។

ទោះបីស្ថានភាពនៃការជាប់គាំងស្បែកចុងលឹង្គកម្រនឹងកើតមានក្តី(ក៏ប្រហែល 1% ដែលប្រឈមនឹងស្ថានភាពនេះបានសម្រាប់មនុស្សធំ) ប៉ុន្តែប្រសិនបើមិនមានដំណោះស្រាយសមរម្យណាមួយទេនោះវានឹងបង្ករអោយកើតមានផលស្មុគស្មាញបានដូចគ្នាផងដែរ។ ប្រសិនបើលោកអ្នកមានសំនួរសូមជជែកជាមួយវេជ្ជបណ្ឌិតនៃជម្ងឺប្រព័ន្ធទឹកនោមរបស់លោកអ្នក ឬមួយលោកអ្នកអាចផ្ញើរសំនួរទាំងនេះមកខ្ញុំក៏បាន។សូមអរគុណ!

អ្នកអាចចូលមើលគេហទំព័រផ្លូវការរបស់ខ្ញុំ នៅទីនេះ.